Yaburi 143:7 - ALLALA KUMƐ

⁷ E, Mari, n denkun tiriya bawo n yigi ara tɛgɛ. I kana i dogon n kɔrɔ. Ni i ya wo ma, n si taran mɔgɔ-faganɛnu tɛma lakira.

Yaburi 143:7 ပူးပေါင်းရင်းမြစ်များ

Yaburi 102:2

N ba tɔrɔyɛ sɔrɔn wati min, i kana i kan-kɔ sɔ n na. I wɔlɔ matɔlɔ n na alako n ba i rakele, i ni a labira tiriya!

Yaburi 22:24

A ti nyina ata mɔgɔ-tɔrɔnɛ ko ka a kan-kɔ sɔ wo la. A wa nyinikalɛ kɛ dɛnbɛn-koe rɔ wati min, Mari si a yabi.”

Yaburi 27:9

I kana i nyɛrɛ dogon n ma. I kana diminya n ma ka n gben. Kebi fɔlɔ, n dɛnbɛnɛ le ile la woletɔ i kana n boloka. E, Alla, nna kisilɛ le ile la.

Yaburi 28:1

E, n natankalɛ Mari, n bi dila i dala n dɛnbɛn-koe la. I wɔlɔ matɔlɔ n di-kɛ-kan la. Ni ile ma n yabi, n basantoe le lakira-mɔgɛnu na.

Yaburi 40:17

N tigi, bolo-kolɔn le n na. N sɛnbɛ sa. Kɔnɔ hali wo, i ma nyina n ko. Nna kisilɛ anubɛ nta Alla le ile la. I yandi, i latiriya n dɛnbɛna.

Yaburi 69:17

I kana i dogon nde, ila wɔli-kɛlɛ kɔrɔ. N bi tɔrɔya-belebele le tɔ kɛ. Fɔ i wa n dɛnbɛ.

Yaburi 69:18

Na n bara ka n kisi. N natanka n yogenu ma.

Yaburi 69:3

N bara bandan dila n dɛnbɛn-koe rɔ. N kan la ara sa diyi kɛ bolo. N yɛ ma ara gbala kila-mafɛlan rɔ n dɛnbɛn-koe la kasa!

Yaburi 70:5

E, Alla, bolo-kolɔn le n na. N sɛnbɛ sa. E, Alla, na n dɛnbɛ tiriya! E, Mari, nna kisilɛ le ile la. I yandi, i latiriya n dɛnbɛna.

Yaburi 71:12

E, Alla, i kana ta n ma wula la. Nta Alla, na n dɛnbɛ tiriya!

Yaburi 84:2

Nyɔ-sɔgɔ-bɛrɛbɛrɛ ye n na. A di n ye n ni to i Bato-Bɔn la dɛɛ! N bara n fanka ban sigi-sɛ la ile Alla-nimɛ ye.

Hɛnkilimaya-Kumɛnu 13:12

Ni i yili-madiyanɛ fan do la kɔnɔ i ma a sɔrɔn, i yisi si tinya. kɔnɔ ni i yili-madiyanɛ fan do la, i ni wo sɔrɔn, i niyi ra si diya i ma.

Aiseya 38:18

Mɔgɔ-wo-mɔgɔ sa lakira min si ke i matɔgɔla. Lakira-mɔgɛnu ti ke lanayɛ sala i rɔ tun.

Aiseya 57:16

A ko a ti to wo kɛlɛla. A ti kɔrɔtɔ wo ma. Ni a tora wonu mala wo la, hadama-dan bɛɛ si firan dugu-kole ma. A ya sɔndɔmɛ min bɛɛ ladan, a ti wo bɛɛ lato dogbe!

Aiseya 8:17

Hali Mari ara a dogon ala mɔgɛnu ma, nde lanɛ ale la bawo n yigi le ale la.

Luka 21:26

Min bi nala kɛla duninya bɛɛ rɔ, anu bi wo makɔnɔna. Mɔgɛnu kuma si kɔ ha anu ni kirɔn-a-la bawo san-koleta-sɛnbɛnu ta si maga ka bɔ anu gbɛ rɔ.