Yaburi 143:5 - ALLALA KUMƐ

⁵ N bi n mirila ko-kɔrɔmɛnu ma. N hɛnkili ye i kɛ-nya-kɔrɛnu ma fɔlɔn. N yili tonɛ ila ko-ladan-bolenu ko.

Yaburi 143:5 ပူးပေါင်းရင်းမြစ်များ

Ko-Dabirɛnu 24:63

A ye a matagama-tagamana gbɛkole ma wurala-tumɛ la tumɛ min, a ya a yɛ lata ka nyomɛnu kun-nabɔɛ yen.

Yaburi 111:4

Mari ara kabana-koe minnu kɛ, a ti sɔn ma ni nyina wonu ko. A nyimayanɛ, ado a kinikinite.

Yaburi 42:6

N bi n yogenu bolo min kɛ, n yisi tinyanɛ bawo kɛlɛ ara ta n na. Wo le ya a ma, n ya n miri nta Alla ma. Alla ara yakɔrɔ-mamɔɛ lana n ma iko wasa-belebele-wɛ tenbi sɔnkɔla kurinu kuma. A kuman-kan manɛ iko wasɛ min bi bɔla Hɛrɔman anubɛ Misa kɔnkɛnu kuma ka ta a labila Yorodan bɛ ma.

Maika 6:5

A ko wole Isirɛla mɔgɛnu, wo ni wo miri Mohabu nyamani-tigi ma, Mansa Balaki min ya yanfɛ kiri wo tɔgɔ rɔ. Wo ni wo miri fanan Beyorila den Belam ma, a ya ale Mansa Balaki yabi nya min wulɔn. Wo ni wo miri minnu mara wo ye tagama rɔ, a ya Yorodan bɛ gbala wo yarɔ nya min Akasiya dagɛ anubɛ Kiligali dagɛ tɛma. Ni wo ya wo miri wo dama ma, wo fɔlɔn ya ko bɔ wo kisi-koe rɔ.