Yaburi 143:11 - ALLALA KUMƐ

¹¹ Mari, n niyi latanka iko i wara lanyiri kiri n ye nya min. N kisi nna tɔrɔyɛnu ma ila nyimayɛ la.

Yaburi 143:11 ပူးပေါင်းရင်းမြစ်များ

Yaburi 119:107

Mari, n tɔrɔ-nya kɛ ma kin. N niyi lasɛgi n ma iko i wara n yili-madiya nya min.

Yaburi 119:25

N bi n masɔrɔkɔnna gbangban rɔ nɔlɛ bolo. I yandi, n niyi lasɛgi n ma tun iko i wara n yili-madiya nya min nun.

Yaburi 119:37

N miriya bɔ ko-fuyinu ko. Nyimaya n ma iko i wara n yili-madiya nya min.

Yaburi 119:40

Ila tɔnnu-bira-sɔgɛ ye n na gben gben! Ni-kurɛ keni n ye bawo telenbagɛ le i la.

Yaburi 119:88

Ka a tɛgɛ ila keninteya-dannatɛgɛbɛlɛ ma, nyimaya n ma woletɔ n si ita tɔnnu bira.

Yaburi 138:7

N nafoonɛ tenbi tɔrɔyɛ la, ile le si n nakanan. N yoge minnu yisi bɔnɛ, i wara i sɔ wonu na. I ya n nakanan ita sɛnbɛ la.

Yaburi 143:1

Mari, i wɔlɔ matɔlɔ nta madiyalɛ la. N di-kɛ-kan lamɔɛn bawo i lanaya-tigi. N yabi telenbagayɛ la.

Yaburi 25:11

E, Mari, n makoto n hakɛ-siyamɛ la iko i wara lanyiri kiri n ye nya min.

Yaburi 25:17

A ni n bɔ n hɔnya-koenu tɔ ka n kisi nna tɔrɔyɛ bɛɛ ma.

Yaburi 31:1

Mari, n nara i wara le nna kanan-koe rɔ alako n kana na miliya. I telennɛ min kɛ, woletɔ n bi i madiyala alako i ni n nakisi.

Yaburi 34:19

Mɔgɔ-nyimɛ si tɔrɔya-siyamɛ sɔrɔn kɔnɔ hali wo, Mari si a kisi tɔrɔyɛ wo bɛɛsi ma.

Yaburi 71:2

N dɛnbɛ ka n nakisi bawo i telenta. I wɔlɔ matɔlɔ n na ka n nakanan.

Yaburi 85:6

I ti ma lakuraya tun alako male, ita mɔgɛnu ni i matɔgɔ?

Habakuku 3:2

Mari, i wara koe min bɛɛsi ma nun, n bara wonu namɔɛn. N bara kawa wonuna ko la. I taranta ko-makawanɛ minnu kɛla nun, a sɔgɛ ye n na, i ni wonu ma tun mata wati kɛ rɔ. Hali i fonde bɔnɛ, i ni kinikini ma ma.