Yaburi 142:7 - ALLALA KUMƐ

⁷ N kunka nna tɔrɔyɛ kɛ rɔ min bara ma mana la n ma. Ni i ya wo kɛ n ye, n si i matɔgɔ mɔgɛ bɛɛ yala ka a tɛgɛ ita nyimayɛla ko la.

Yaburi 142:7 ပူးပေါင်းရင်းမြစ်များ

Yaburi 116:7

N ya a fɔ n nyɛrɛ ma ko, “N bi hɔnna nfenna gbɛ?” Mari nyimayanɛ n ye.

Yaburi 119:17

Ila wɔli-kɛlɛ le nde la. Kinikini n ma. Wo le si a ma, n ni to n niyi la ka ila kumɛ bira.

Yaburi 119:74

Minnu bi i gbiliyala, wonu ba n yen, anu si sewa bawo n lanɛ ita yili-madiyɛ la.

Yaburi 13:6

Mari, n si sigi sa i ye ka a tɛgɛ ila nyimayɛ ma n bara la.

Yaburi 142:1

N bi Mari rakelela n dɛnbɛn-koe rɔ. N bi a madiyala alako a ni kinikini n ma.

Yaburi 143:11

Mari, n niyi latanka iko i wara lanyiri kiri n ye nya min. N kisi nna tɔrɔyɛnu ma ila nyimayɛ la.

Yaburi 143:9

Mari, n si ta ile le wara n natanka-koe rɔ. I ni n kunyɛ bɔ gbaran rɔ n yogenu bolo.

Yaburi 146:7

Minnu niyi ragbɛrɛnnɛ anu ma, a si yo di wonu ma. A si kɔnkɔtoenu de-nyini. Mari si mɔgɔ-biranɛnu to anu diya.

Yaburi 31:8

I ma sɔn, n yogenu ni n bira kɔnɔ i ya a ma, n nafɛrɛnɛ tara.

Yaburi 34:2

N si a tanto ala kɛwɔli-nyimɛnuna ko la. Minnu bi yakɔrɔ-mamɔɛ rɔ, alamɛ wonu ya anu tole masɔ ka sewa.

Yaburi 38:20

Minnu bi ko-nyimɛ sarala ko-yoge la, wonu bi n kan ma bawo n bi n tayala ko-latelennɛ kɛ tinɛ.

Yaburi 9:14

woletɔ n si ke sɔla mɔgɛ bɛɛ yakɔrɔ Yerusalɛm soe burɔ ka i matɔgɔ-koenu fɔ anu ye. N si sewa bawo i wara n nakisi.

Yaburi 9:3

N yogenu ba i yen tumɛ min, anu si sɛgi anu kɔma. Anu si tɔnbɔn anu kin kun na ka bui. Anu si faga.

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Kɛwɔlɛnu 2:24

Kɔnɔ Alla ya a lawuli ka bɔ furinu tɛma. A ya a hɔrɔya saya-dumɛ ma bawo a ti ke tola biralɛ rɔ sayɛ bolo,

Yemesi 5:11

Ma ye mɔgɔ-munyanɛnu kelela ko mɔgɔ-sewanɛ bawo anu bara anu munyu. Wo ma Yobuta munyu-koe lamɔɛn, ba? Ado nfan, Mari ya Yobu makoe nyinya nya min a laban, wo ma wo lɔn fanan, ba? Wo mara bawo Mari fanɛ kinikinɛ anubɛ hinɛ la.