Yaburi 142:5 - ALLALA KUMƐ

⁵ N bi ile Mari rakelela n dɛnbɛn-koe rɔ. N natankalɛ le ile la. Ile le n sigi-kunya bɛɛ la, ado n mako ti taran fenfen na.

Yaburi 142:5 ပူးပေါင်းရင်းမြစ်များ

Yaburi 119:57

E, Mari, n bi nyinina i kelen pe le ma. N bara i yili-madiya ila tɔnnu-bira-koe rɔ.

Yaburi 16:5

Ile Mari ye n bolo min kɛ, fan bɛɛ ye n bolo worɔ. N makoe ye fan min bɛɛ la, ile le ye wonu dila n ma. Hali n si fan min bɛɛsi sɔrɔn yarɔ, wo bɛɛ ye ile ma.

Yaburi 27:13

N ya a lɔn serr, ko fɔ n ba to n niyi la ha n ni Marita kɛ-nya-nyimɛ yen n yɛ la.

Yaburi 35:12

Anu ya nna ko-nyimɛ sara ko-yoge la. Wo ya n yisi tinya ka n to kelengboyɛ rɔ.

Yaburi 46:1

Ma latanka-tinɛ anubɛ ma sɛnbɛ le Alla la. Ma tenbi tɔrɔyɛ rɔ, a rabɛnnɛ ma dɛnbɛn-koe la tuma-wo-tuma.

Yaburi 46:11

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 46:7

Mari Sɛnbɛ-Bɛɛ-Tigi ye ma fɛ. Mala kanannɛ le Yakobata Alla la.

Yaburi 56:13

bawo i wara n bɔ sayɛ kɔrɔ. Hali ka n kian latugu, i ma sɔn wo ma. Ado nfan, n bi Alla fɛ ata wan-takanɛ rɔ min si niyi di mɔgɛ ma.

Yaburi 73:26

Hali n miriya anubɛ n fɛrɛ ra ye tola fagala n ma kɔnɔ ile Alla si to sɛnbɛ dila n ma. N sa nyinina fenfen ma ile Alla kɔma habadan!

Yaburi 91:2

mɔgɛ wo si ke a fɔla Mari ye le ko, “N kumafunfannɛ anubɛ n natankalɛ le ile la. Nta Alla le ile la, n lanɛ min na, kɔni.”

Makawandili Kumɛnu 4:1

N sigira ka n miri. Telenbɛlitayɛ min bi duninya rɔ, n ya wo lakɔrɔsi. Minnu bi kɔndɔfili rɔ, wonu bi dila kɔnɔ anu denkunna-wo-denkuna sa. Anu denkunna sa bawo minnu bi anu tɔrɔla, sɛnbɛ ye wonu denu bolo.

Nimisa Koe 3:24

Mari kelen pe le nde bolo. N mako-nyinyalɛ le ale la. N si n yigi sa ale rɔ.

Yɔni 16:32

Wati ye nala, ado a ara ke, wo dama si nyɛnsɛn. Bɛɛ si ta a warɛ. N kelen pe si to. Kɔnɔ n kelen ma de bawo n Fa Alla ye n fɛ.

2 Timoti 4:17

Hali wo, Mari tora n fɛ ka n sɛnbɛ don. Woletɔ n tora Allala kumɛ bɛɛ lakela sibolo-gbɛrɛ bɛɛ ma yan tɔ. N kisira yarɛ dɛ ma.