Yaburi 141:2 - ALLALA KUMƐ

² Sɔn nta madiyalɛ la iko i ye sɔnna isɛnti-mintan-sumɛ la nya min. N ba n bole rasigi i ye, i ni sɔn wo la iko i ye sɔnna wurala-sarakɛ la nya min.

Yaburi 141:2 ပူးပေါင်းရင်းမြစ်များ

1 Mansɛnu 18:36

Saraka bɔ tumɛ kenɛ wurɛ la iko anuna namu ye nya min, Nɛbi Ilaya ya a madon saraka-mintan-tinɛ wo la. A ya Alla matara. A ko, “E, Mari, Iburayima anubɛ Isiyaka anubɛ Yakobata Alla, kɔni, a yira mɔgɛ kɛnu na bi ko Isirɛlata Mari Alla le ile la. Anu ni a lɔn ko ila wɔli-kɛlɛ le nde la. Anu ni a lɔn fanan ko n bi min bɛɛsi mala kɛ la, ile le ya wonu fɔ n ye.

Ɛsira 9:4

N tora sigini nyɔ ha wurala-saraka-bɔ-wati. Mɔgɛnu nara anu kinki n na, katarala minnu bara kilan ka a tɛgɛ Alla ara min fɔ mɔgɔ-birani-kɔrɛ wonuna hakɛla ko rɔ.

Yaburi 134:2

Wo tenbi madiyalɛ kun na, wo ni wo bole sigi Alla ye kan-tina-sɛnimɛ telen tɔ a matɔgɔ tinɛ.

Yaburi 28:2

N tenbi dila i dala n dɛnbɛn-koe rɔ, i ni a lamɔɛn. N ba n bole rasagan san ma i madiya tinɛ ita Bato-Bon-sɛnimɛ wara la, i ni nna madiyali-kan lamɔɛn.

Yaburi 5:3

I ya n kan lamɔɛn sun-tele-tiyi ma. N bara n masigima-koenu fɔ i ye. N sigini de gbɛ ka anu yabilɛ makɔni.

Yaburi 63:4

Fananta n bi n niyi la, n bi i tantola dɛɛ! N si n bole sigi i ye madiyali-kɛ tinɛ.

Bɔ-Koe-Iyipiti 35:15

Wo ni isɛnti mintan tinɛ anubɛ a bi-kɔlɔmanu nadan anubɛ dantɛgɛ-tuli anubɛ isɛnti nyɛrɛ. Wo ni bɔn don-da-kurɛ ladan.

Hɛnkilimaya-Kumɛnu 15:8

Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Daniyɛli 9:21

N bi n matarali-kɛ kun na, n ya Yibirila kelan min yen nna ko-rayen doi rɔ, wo yigira iko kokɛ. A ye yigila n ma wati min, wo ya a taran, wurala-saraka-bɔ-wati ara ke.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Yilan-Yilan Koe 16:35

Wo kɔma, Mari ya tɛ layigi mɔgɔ kɛmɛ fila, mɔgɔ bi-loli kuma minnu nara isɛnti la. Tɛ wo ya anu damasi mintan gburr!

Kɛwɔlɛnu 3:1

Lunyɛ do tele-makima-wati (3 pm), Pita anubɛ Yɔni tara Alla-Bato-Bɔn la madiyali-kɛ-tinɛ.

1 Timoti 2:8

Wo wa wo ladɛn Alla bato tinɛ tuma-wo-tuma, n bi a fɛ, wole keinu ni madiyali kɛ ka wo bole rasigi Alla ye. Wo ni ma mɔgɔ-sɛninyanɛnu na Alla ye, ado wo tenbi madiyali kɛla, diminyɛ anubɛ sɔsɔli kana taran wo tɛma.

Lankɛnimayɛ 5:8

A ya wo ma tumɛ min, dali-fen nani anubɛ kɛmɔgɔ mogan-ni-nanɛ wonu ya anu sa saga-dan kɔrɔ. Sɔrɔn ye anu kelen-kelennamɛ-bɛɛ bolo anubɛ sɛnɛ-pani-kunbɛ minnu nafanɛ isɛnti la. Fen-suma-diyamɛ wo, Allata mɔgɛnuna madiyalɛnu denu bi wonu na.