Yaburi 14:1 - ALLALA KUMƐ

¹ Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan de mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

Yaburi 14:1 ပူးပေါင်းရင်းမြစ်များ

Ko-Dabirɛnu 6:5

Mari ya a yen min kɛ mɔgɛnuna ko-yogomɛ da ra ara koloya duninya rɔ, ado anu miriya bɛɛ manɛ ko-yogomɛ la tun tun,

Yobu 15:16

Kɔnɔ hadama-dan don? A sɔn yogo kati! Karagbɛlɛyɛ diya donnɛ mɔgɛnu tɔ iko min-kɛ-yi.

Yobu 22:13

Kɔnɔ hali wo, ile Yobu ye a fɔla ko, “Alla ya nfen lɔn? Banda-finyɛ ye mabɛ Alla tɛma. A si ke ma kitila kama?”

Yaburi 10:4

Alla bɔrɔ sa karagbɛlɛnu ye. Anuna miriya ma ke ale Alla ma anuna wasinteyɛla ko la.

Yaburi 107:17

Donu mara kun-takolɔnnu na ka a tɛgɛ anu hakɛla ko ma. Woletɔ anu tɔrɔta anuna ko-yogomɛla ko la.

Yaburi 53:1

Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan le mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

Yaburi 92:6

Kun-takolɔn ti wo nya-yen hali! Ko-nya-yenbɛlɛ ti wo nya-yen.

Hɛnkilimaya-Kumɛnu 1:22

A ye a fɔla ko, “Wole kun-takolɔnnu! Wole si hɛnkili sɔrɔn muntuma ka wo bɔ wo gba-yogomɛnu dala? Wole si wo fara lɔnnɛ lafɛyala muntuma?

Hɛnkilimaya-Kumɛnu 1:7

Hɛnkilimayɛ dabira fɔlɔtɛ, wo le ka kilan Mari la. Hɛnkilibɔnɛnu si tɛgɛ hɛnkilimayɛ rɔ ka anu ban ata kuma-bira-koe ma.

Hɛnkilimaya-Kumɛnu 13:19

Ni mɔgɔ yili-madiyanɛ fan do la, a wa a sɔrɔn, a si sewa. Kuntan ti sɔn a sɔn-yogomɛ boloka-koe ma.

Hɛnkilimaya-Kumɛnu 27:22

Hali i ya kun-takolɔn gbesi ka a niyi madɔgɔya a rɔ, iko mɔgɛ si fui-fan bunden kolɔn rɔ nya min, a ti ala kun-takolonyɛ boloka.

Makawandili Kumɛnu 7:20

Mɔgɔ-wo-mɔgɔ sa nyɔ min si to ko-telennɛ kɛla tuma-wo-tuma, tele-kelen-bɛrɛni, a ma sama.

Aiseya 1:4

Wole Isirɛla mɔgɛnu, hakɛ-tigi anubɛ ko-yogoma-kɛlɛnu le wole la. Gbalo ye wo kuma. Wola hakɛ ye tala wo lasɛgila wo kɔma. Wo ara wo ban Mari la, Isirɛlata Alla-sɛnimɛ, kɔni. Wo ara wo kan-kɔ sɔ a la.

Yɛrɛmaya 5:12

Wole Marita mɔgɛnu bi a kan masɔsɔla. Wo ye a fɔla ko, “Mari ti ko-wo-ko ma male la. Tɔrɔyɛ ti sigi male la. Male ti kɛlɛ anubɛ kɔnkɛ yen.

Yɛrɛmaya 6:28

A ko wole, ala mɔgɛnu bara wo ban a la ka wo tole gbɛlɛya. Wo ye belenna mɔgɛnu da ragbalala foninyɛ la. Wo yisi gbɛlɛ iko nɛgɛ anubɛ silɛɛ ye nya min, wo ye mɔgɛnu tɔrɔla yanfanteyɛ la wo nya na le.

Matiyu 12:34

Wo sɔn yogo iko duguma-fannu. Wo sɔn yogoyanɛ min kɛ, wo si ke kuma-nyimɛ fɔla kama? Ado nfan, mɔgɛ yisi fannɛ min na, a dɛ ye wo le fɔla.

Matiyu 15:19

Ado nfan, miriya-yogomɛnu bi bɔla mɔgɔ-yisi le tɔ min si a sɔ mɔgɔ-faga-koe la anubɛ yɛlɛnyɛ anubɛ milibɛlitaya-koenu na, hali kankanyɛ anubɛ foninya-fɔɛ anubɛ mɔgɔ-rafɔɛ.

Luka 12:20

Kɔnɔ Alla ya a fɔ a ye ko, ‘Ile kuntan, bi suyi nyɛrɛ rɔ, wobɛ i niyi si fara wo nyɔgɔn na. Wo kɔma, i wara fan minnu namara i nyɛrɛ ye, wonu si ma yontɛ la gbɛ?’ ”

Ɛfɛsa 2:12

Wo ye nya min nun fɔlɔ, wo ni wo hɛnkili to wo ko. Wo wati ya a taran, wo ma ma wɛ Kirasititɛ la. Wo ye sibolo-gbɛrɛyɛ la nun. Wo sa Allata mɔgɔ-yabɔnɛnu tɛma nun. Wo kɔma, Alla ya sarama-kan min kiri anubɛ ala mɔgɛnu tɛma, wota fenfen sa wo rɔ nun. Wo tumɛ ya a taran, Alla sa wo bolo nun, ado yigi sa wo ma mumɛ!

Taita 1:16

Wonu si a fɔ ko anu ya Alla lɔn kɔnɔ anuna kɛwɔlɛnu bi wo masɔsɔla. Anu makisimiriyanɛ. Kuma-birabɛlɛnu denu bi tolon! Ko-nyima-kɛ ma bɛn anu ma mumɛ!

Taita 3:3

Fɔlɔ-nun, kuntan anubɛ kuma-birabɛlɛ anubɛ ko-yogoma-kɛlɛ le male la. Mɔgɛnu ya ma yanfa ko ma ni ma yɔɔnnu na fɛrɛ-nata anubɛ nyɛrɛ-diyana-ko-sufa-bɛɛ bolo. Ma ya mala wati bɛɛ tinya wunduyogoyɛ anubɛ keliyɛ rɔ. Ma gboyara mɔgɛnu ye, ado anu fanan gboyara ma ye.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

1 Samuwɛli 25:25

I kana i tole masɔ kun-takolɔn wo la. Ale mani de iko a tɔgɛ wo ye nya min bawo a tɔgɛ wo kɔrɛ le, ‘Kun-takolɔn.’ Ila wɔli-kɛlɛ wonu bi nala a wara tumɛ min, wo ya a taran, nde sa nyɔ nun.