Yaburi 138:8 - ALLALA KUMƐ

⁸ I si koe bɛɛ latɔnbagaya iko i ye yili-madiyɛ kɛla nya min. Mari, ita keninteyɛ ti ban mumɛ! I wara wɔlɛ min dabira, i yandi, wo laban.

Yaburi 138:8 ပူးပေါင်းရင်းမြစ်များ

Yobu 10:3

I wara ko-yogomɛ min ma n na, woletɔ i sewanɛ, nyɛ? Ile nyɛrɛ-nyɛrɛ ya nde min dan, nde ni gboya i ye tun, wa? I wara i kan-kɔ sɔ n na ka nyagalen karagbɛlɛnu na.

Yobu 10:8

I kɔɛn nyɛrɛ-nyɛrɛ ya nde dan. I kɔɛn kelan, wo le ye n halakila fanan.

Yobu 14:15

Wo wati wa ke, ni nde, ila mɔgɔ-dannɛ yen-sɔgɛ ye i la, i si n takele, n ni a labira.

Yaburi 100:3

Bɛɛ ni a lɔn wo ma ko Mari le Alla la. Ale le kelen pe ya ma dan, ado a halalɛ le male la. Ata mɔgɛ le male la, ado ma ye ata saga-wɔrɛ rɔ.

Yaburi 100:5

Mari nyimayanɛ le. Dan sa ala keninteyɛ la. Ata lanayɛ si to burubukai!

Yaburi 103:17

Kɔnɔ minnu bi Mari gbiliyala, ala keninteyɛ ti ban wonu ye mumɛ! Ata nyimayɛ dan sa wonubɛ anu kegeyɛnu bara la.

Yaburi 136:1

Wo ni baraka bira Mari ye bawo a nyimayanɛ. Ala keninteyɛ dan sa.

Yaburi 57:2

Alla Min Bi Fan Bɛɛ Kun Na, n ba wo rakele, ado a ye n makoe bɛɛ nyinyala,

Yaburi 57:3

a si a lamɔɛn san-kole rɔ ka n kisi. A si n yoge bɛɛ nɔ. Alla si ata hinɛ anubɛ lanayɛ yira n na.

Aiseya 26:12

Mari, i wara ma lama-a-la. Ma ara fan bɛɛ sɔrɔn i baraka le tɔ.

Aiseya 42:16

A si fiyɔnnu nabɔ kila-kurɛnu fɛ anu ma min lɔn kɔrɔma la. A si pinpi yɛlɛma anu ye waan la ka kila-gbɔgɔsa-gbagasɛnu manunku anu ye. Ata lanyiri le kɛnu na ata mɔgɛnuna ko la, ado a ko a si wonu natɔnbagaya. Sika mumɛ sa wo rɔ!

Aiseya 43:21

Ata mɔgɔ-dannɛ le male Isirɛla mɔgɛnu na, ado ma ni to a matɔgɔ-siginu sala.

Yɔni 15:2

Bolɔn min bɛɛ ye nde ma, minnu ti gbɔ, a si wonu gbendan a ma. Bolɔn min bɛɛ ye gbɔla, a si wonu matɛgɛ, woletɔ anu si gbɔ bɛrɛkɛ!

Romu 5:10

Alla yoge le male la nun kɔnɔ kaka, ma ara ma a diyana-mɔgɛ la ala dan Yisata sayɛ fɛ. Nba, ma ara ma Alla diyana-mɔgɛ la nya min, ma si a lɔn serr, ko ma si kisi Allata tɔrɔyɛ ma fanan ala danta nimayɛ fɛ.

Filipai 1:6

Nba, n lanɛ a la serr, ko Alla min ya wɔli-nyimɛ kɛ dabira wole rɔ, wo si to wɔlɛ wo kun na, ha a ni bɛn Kirasiti Yisata tele ma.

1 Tɛsalonaika 5:24

Ale Yisa min bara wo yabɔ, kan-kelen-tigi le ale la min kɛ, wo si la a la ko a ni koe wo bɛɛ ma wo ye.

1 Pita 4:19

Woletɔ minnu bi tɔrɔla iko Alla sako ye nya min anu bolo, wonu ni anu nyɛrɛ kerifa anu Dali Mari la fasai! Anu ni to kɛwɔli-nyimɛ kɛla Alla ye min bi ala lanyiri tola a gbɛ rɔ tuma-wo-tuma.

Yude 1:1

Nde, Yude le ye kɛdi kɛ sɛbɛla, Yisa Kirasitila wɔli-kɛlɛ, Yemesi dɔgɔ-keminɛ, kɔni. Alla ara wole min kele, n bi a sɛbɛla wole le ma. Wo tonɛ n Fa Allala keninteyɛ rɔ, ado wo maranɛ Yisa Kirasiti ye.