Yaburi 137:1 - ALLALA KUMƐ

¹ Ma sigira Babilɔn bɛnu dafɛ tumɛ min, ma hɛnkili wa tugu Yerusalɛm na tuma-wo-tuma, ma si diyi tɛgɛ a rɔ.

Yaburi 137:1 ပူးပေါင်းရင်းမြစ်များ

Ɛsira 8:21

Wo tumɛ ma ye Ahefa bɛ kɛ fɛ, n ya a fɔ mɔgɛ bɛɛ ye ko ma ni sunyɛ don ka ma nyɛrɛ famayigi mata Alla ye. N ko ma ni a matara ko a ni to ma fɛ mala tagama kɛ rɔ alako mabɛ mala dannu anubɛ ma bolo-fannu ma ni tanka.

Ɛsira 8:31

Ma wulita Ahefa bɛ dafɛ san wo karɛ fɔlɛ, a tele tan-ni-fila nyɔgɛ le ma. Mata Alla ye ma fɛ nun. A ya ma tanka ma yogenu anubɛ ma lapɛrɛnnɛnu masibɛ ma kilɛ la.

Nihɛmaya 2:3

N duwara a ye, n ko, “N tigi, alamɛ i mɛra ila mansayɛ kɛ rɔ. N tigi, ma benbanu togon tinɛ wo ara tii. A tarɛ don-dɛ ara mintan gburr! Wo le ara a ma, n yisi ara tinya pɔ!”

Yaburi 42:4

N ba n miri ko-tenbinɛnu ma, n yisi si tinya. Fɔlɔ nun, mabɛ mɔgɔ-siyaman bi tala Alla Bato-Bɔn la. Ma tenbi tala, n sɔnɛ anu yarɔ. Anu sewanɛ, anu si a lawɔyɔ sewa-bɛti bɔ tinɛ.

Aiseya 66:10

Ile Yerusalɛm, i ni sewa. Nyɔ di wole min ye, wo ni nyagalen. Wole min donu yisi-magboyanɛ Yerusalɛm wara-koe la nun, wo ni sewa ala ko la gbɛ!

Yɛrɛmaya 13:4

n ni ta wo la Para soe dafɛ. A ko n ni kufama wo bɔ ka a dogon fara-woe rɔ.

Yɛrɛmaya 15:17

Nyama tenbi yɛlɛn anubɛ diyɛ kun na wati min, nde mako sa anu na. N sigira n dan na bawo ile le ya kilɛ yira n na. I wara n burɛ lafa yisi-bɔɛ la ka a tɛgɛ anu sɔn-yogomɛ ma.

Yɛrɛmaya 51:13

Hali bɛ rakanɛ nyamanɛ wo rɔ, dugu-kɔrɔ-nɔnfuli siya a rɔ, Mari ko nyamanɛ wo lato-wati ara ke.

Yɛrɛmaya 8:19

I wɔlɔ matɔlɔ nna mɔgɛnu di-kɛ-kan la wula-yan la. Anu bi a fɔla ko, “Ha bi, Mari sa Yerusalɛm, ba? Ha bi, Yerusalɛm mansɛ sa nyɔ, wa?” Kɔnɔ Alla ya nde, Yɛrɛmaya manyinika ni wole, ala mɔgɛ kɛnu bi bɛsɛnu kɔla min na ka a ladiminya. A ko sibolo-gbɛrɛnuna bɛsi-fufafuyi le wonu na.

Nimisa Koe 1:16

“Wo le wara a ma, n ya-denkɛ ra sa gbalala tun. N madiya-mɔgɔ-wo-m͔ɔgɔ sa nyɔ. N kɔntɔ-diya-mɔgɔ sa tun. Nna mɔgɛ bɛɛ ara ma fugarɛ la bawo ma yogenu bara ma nɔ.

Nimisa Koe 2:18

E, Yerusalɛm, ila tarɛ ni to dila biribiri, n Tigi Mari dala iko mɔgɔ-nimisanɛ. I ya-yi ni to yigila su-ni-tele iko bɛ. I kana fara di-kɛ la mumɛ!

Nimisa Koe 3:48

Ka a tɛgɛ nna mɔgɛnuna kasara-nya ma, n ya-yi ye yigila iko bɛ.

Nimisa Koe 3:51

N yisi-tinyanɛ ka a tɛgɛ n bi min yenna sigila Yerusalɛm fonike-musinu ma.

Isikiyɛli 1:1

Nde, Busila den Saraka-Masɔla Isikiyɛli siginɛ Yahudiya-biranɛnu tɛma Babilɔn nyamanɛ rɔ Kiba bɛ fɛ. N sɔrɔn-san bi-sawɛ, karɛ nani nyɔgɛ, tele loli nyɔgɛ ma, ko-rayirɛ kɛra n ye. San-kole dɛ lakara, n ya Allata ko-rayirɛ yen. (Mansa Yɛhoyasin, wo birɛ san loli nyɔgɛ ma, kɛ mara wulɔn le!) N bi Kiba bɛ fɛ Babilɔn nyamanɛ rɔ tumɛ min, Mari kumara n ye, ado n ya ata Sɛnbɛ sɔrɔn.

Isikiyɛli 3:15

N tara fɔɔ Abibu kɔnkɔ-kuma so-burɔ-mɔgɔ-biranɛnu siginɛ kan min Kiba bɛ fɛ. Ka a tɛgɛ n bara min tayen ko-rayirɛ kɛ rɔ, tele wɔrɔnfila, n mankulan bɔnɛ n ma nyɔ kilan bolo.

Daniyɛli 9:3

Woletɔ n ya kasa-kurɛ don n kan na ka n sigi ta-gbangban rɔ bawo n yisi ara tinya Isirɛla mɔgɛnu hakɛla ko la. N ya sunyɛ don ka n Tigi Alla matara n sɛbɛ-kuna-wɛ la. Nta mataralɛ wo rɔ, n ko, “E, n Tigi Alla, ma si i gbiliya bawo i makawara. I sarata min na mabɛ ile tɛma, i ye wo latɔnbagayala. Mɔgɛ min si i keni ka ita tɔnnu bira, ile si wo tigi keni burubukai!

Luka 19:41

Yisa gbɛrɛnta Yerusalɛm soe ma tumɛ min, a ya a yen nkɛkuna, a dira ala ko la.

Lankɛnimayɛ 11:3

N si nna nɛbi fila lata minnu fɛrɛya bɔnɛ kasa-kurɛ la. Wonu si Allala kumɛ fɔ tele waga kelen ani tele kɛmɛ fila ani tele bi-wɔrɔ (1,260) kɔrɔ.”