Yaburi 135:13 - ALLALA KUMƐ

¹³ Mari, i mankan si to fɔla. I wara-koe la ti nyina ma kegeyɛnu na muk!

Yaburi 135:13 ပူးပေါင်းရင်းမြစ်များ

Yaburi 102:12

Kɔnɔ Mari, ile le mansɛ la tolon! Mɔgɛ bɛɛ si to a mirila i ma burubukai!

Yaburi 102:13

I si i lakɔɛnma ka kinikini Yerusalɛm soe ma. A wati ara ke ka kinikini a ma. Wati-yabɔnɛ ara ke, yɔ!

Yaburi 102:21

A ya wo ma le alako wonu ni to a wara-koe fɔla Yerusalɛm soe burɔ. Wonu si to a matɔgɔla nyɔ.

Yaburi 72:17

I ni a ma, mansɛ tɔgɛ kana tunu mumɛ! I ni a ma, a mankan ni to warala iko tele. Alamɛ sibole bɛɛ ya Alla madiya ko a ni ata duwɛ layigi anu kuma iko a ya duwɛ di mansɛ wo ma nya min. I ni a ma, anu ni to Alla matarala alako mansɛ wo sewanɛ ni to.

Yaburi 8:1

E, Mari, mata Mari, kɔni, i tɔgɛ-mankan ye duninya bɛɛ rɔ. Ita gbiliyɛ ara bɔ gbɛ rɔ ma ye san-kole ma.

Yaburi 8:9

E, Mari, mata Mari, kɔni, i tɔgɛ-mankan ye duninya bɛɛ rɔ.

Yaburi 89:1

E, Mari, n si to ila hinɛ-sigi sala tolon! N si to ila telenbagayɛ wara-koe rakaranna dɛɛ!

Bɔ-Koe-Iyipiti 3:15

“Ta a fɔ Isirɛla mɔgɛnu fanan ye ko nde, anu benbanuta Mari Alla, Iburayimata Alla, anubɛ Isiyakata Alla, anubɛ Yakobata Alla, kɔni, wo le ya i kilaya anu ma. N tɔgɛ le ‘N bi nya min, n bi wo nya na le.’ I ni a fɔ Isirɛla mɔgɛnu ye wo nya le ko min tɔgɛ NDE LE, wo le ara i kilaya anu ma. Nta habadan-tɔgɛ le wo la. N tɔgɛ wo si ma tamasere la kebilɛ bɛɛ ye.

Hoseya 12:5

ado Mari Alla Sɛnbɛ-Bɛɛ-Tigi nyɛrɛ-nyɛrɛ le wo la. Ma ye batoli kɛla a tɔgɔ kelan wo le la.

Matiyu 6:13

I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Matiyu 6:9

“Wo ni madiyali kɛ ka le ko, ‘Ma Fa min bi Arinyɛni tɔ, i tɔgɛ ni sɛninya.