Yaburi 133:2 - ALLALA KUMƐ

² Wo mani de iko Isirɛla mɔgɛnu ba anu nadɛn dantɛgɛ-tuli-kɛ-tinɛ Aruna salɛ rɔ nun. Tuli wo si yigi nun a buyɛ ma ha ala duruki kan ma.

Yaburi 133:2 ပူးပေါင်းရင်းမြစ်များ

Yaburi 141:5

Ni telenbagɛ ya n gbesi, a ye n dɛnbɛn-koe le tɔ. Ni a ya n makuma, wo mani de iko a ara tuli le don n yakɔrɛ ma, ado n ti n ban a bolo. N bi madiyali kɛla ko-yogoma-kɛlɛnu denu kan ma.

Bɔ-Koe-Iyipiti 28:33

Kɔlɔma-gbɔɛ min tɔgɛ pamakarani, wo ni wola muninyɛnu nadan duruki wo da-gbole la. Wo ni wonu nadan yesekara-yalafinyɛ anubɛ yesekara-bilolamɛ anubɛ yesekara-wulan la ka wonu ma duruki wo da-gbole bunsan la. Wo ni sɛnɛ-tɛlan-dɔgɔmanɛnu kiri tala pamakaranila muninyɛ wonu tɛma duruki wo da-gbole la.

Bɔ-Koe-Iyipiti 29:7

I ni dantɛgɛ-tuli do bi ka a kɛ a kunyɛ rɔ, ka a dantɛgɛ nde, Mari ma.

Bɔ-Koe-Iyipiti 30:35

I ni wonu nakofu ka anu ma isɛnti la ka a yabasan iko wo si sɛnti yabasan nya min. Wo ni kɔgɛ kɛ a rɔ alako a ni sɛninya.

Bɔ-Koe-Iyipiti 39:24

Kɔlɔma-gbɔɛ min tɔgɛ pamakarani, anu ya wola muninyɛnu nadan duruki wo da-gbole la. Anu ya wonu nadan yesekara-yalafinyɛ anubɛ yesekara-bilolamɛ anubɛ yesekara-wulan la ka wonu ma duruki wo da-gbole bunsan la.

Hɛnkilimaya-Kumɛnu 27:9

Mɔgɔ diyana-mɔgɔta kawandili-kan mani de iko sɛnti-suma-diyamɛ ye nya min.

Keninteya-Siginu 1:3

I sumɛ di n ye, n ba i tɔgɛ lamɔɛn fɔ i sumɛ si don n tɔ. Musi min ba i yen, wo kole si bɔ a rɔ muluka!

Saraka-Masɔlɛnuta Tɔnnu 8:12

Wo kɔma, a ya tuli kɛ Aruna salɛ rɔ ka a dantɛgɛ Mari ma.

Yɔni 12:3

Nba, Mariyama ya sɛnti-da-gbɛlɛ kilasi kelen bi min tɔgɔ naradi ka a sosa Yisa kian ma. A ya anu mafiran a nyɛrɛ kun-sigi la. Sɛnti-suma-diyamɛ wo ya bɔn wo bɛɛ bira-a-la tɛrr!