Yaburi 132:5 - ALLALA KUMƐ

⁵ fɔ a wa bɔn sɔ ile Mari ye, ile Yakobata Alla-makawanɛ si i mayigi kan min.

Yaburi 132:5 ပူးပေါင်းရင်းမြစ်များ

2 Samuwɛli 6:17

Anu ya tɔn-kenkirɛ wo ladon ka a sigi a sigi-tinɛ rɔ fani-bɔn wo la, Mansa Dawuda ya min nadan kenkirɛ wo ye. A ya saraka-mintantɛ anubɛ yisi-kima-sarakɛnu bɔ Mari ye.

2 Samuwɛli 7:1

Mari ban Mansa Dawuda latankala a yoge bɛɛ ma, mansɛ niyi-labilanɛ tora siginɛ ala bon-kurɛ la.

1 Mansɛnu 8:17

Ale Mansa Silamɛni ya a fɔ tun ko, “Isirɛlata Mari Alla Bato-Bɔn sɔ-sɔgɛ ye n fa Dawuda la nun

1 Mansɛnu 8:27

“Kɔnɔ n Mari Alla, duninya kɛ dɔgɔ i yala. Hali san-kole min kolo, wo ti a bɔ i ye. I si kun i Bato-Bon-nɛ kɛ la kama worɔ?

1 Ko-Kɔrɔta-Karan 15:12

A ya a fɔ Lifayi mɔgɔ wɔrɛ wonu ye ko, “Lifayi bɔnsɔn-mɔgɛnuna kun-tigi le wole la. Wole Lifayi bɔnsɔnnu, wo ni wo nyɛrɛ sɛninya, woletɔ wo si ke nala Isirɛlata Marita tɔn-kenkirɛ la ka a sigi kan tinɛ wo rɔ, n bara min tabɛn ala ko la.

1 Ko-Kɔrɔta-Karan 15:3

Mansa Dawuda ya Isirɛla mɔgɛ damasi kele Yerusalɛm soe burɔ alako ka ta tɔn-kenkirɛ bi ka na a sigi kan tinɛ wo rɔ a ya min tabɛn ala ko la.

1 Ko-Kɔrɔta-Karan 22:7

Silamɛni nanɛ, a fa ya a fɔ a ye ko, “Nna den, a sɔgɛ ye n na nun ka nta Mari Alla gbiliya ka ata Bato-Bɔn sɔ.

1 Ko-Kɔrɔta-Karan 28:2

Mansa Dawuda ya a lakɔɛnma ka a fɔ anu ye ko, “Nna nyamanita-mɔgɛnu, wo ni wo tole masɔ n na. A sɔgɛ ye n na nun, n ni bɔn sɔ Marita tɔn-kenkirɛla ko la. Wo si ma mata Mari Alla mayigi tinɛ la. N bara fen-siyaman nadɛn nun bɔn wo sɔ-koe rɔ.

2 Ko-Kɔrɔta-Karan 2:6

Yon si ke bɔn sɔla Alla ye? Hali san-kole kɛ kolo nya-wo-nya, nyɔ dɔgɔ ale ye. Ni n ya a Bato-Bɔn sɔ, kan tinɛ le wo la n si isɛnti mintan kan min Alla ye dɔrɔn.

Aiseya 66:1

Mari ko ata mansaya-waganɛ le san-kole la. A tontɛ rasagan tinɛ le dugu-kumɛ la. Wole lara a la, wo si ke nfen bon-sufa sɔla ale ye? A ko a si a sulen kan-tina-nyuman tɔ?

Ɛfɛsa 2:22

Bɔn wo le malebɛ wole sibolo-gbɛrɛnu na. Alla mayiginɛ a rɔ ata Ni-Sɛnimɛ baraka rɔ.