Yaburi 132:14 - ALLALA KUMƐ

¹⁴ A ko a ye a fɛ, a ni to sigini nyɔ habadan! A si maralɛ kɛ nyɔ le.

Yaburi 132:14 ပူးပေါင်းရင်းမြစ်များ

1 Mansɛnu 8:13

Kɔnɔ n bara bon-nyimɛ sɔ i ye, i si to kan min habadan!”

1 Mansɛnu 8:27

“Kɔnɔ n Mari Alla, duninya kɛ dɔgɔ i yala. Hali san-kole min kolo, wo ti a bɔ i ye. I si kun i Bato-Bon-nɛ kɛ la kama worɔ?

1 Mansɛnu 9:3

Mari ya a fɔ a ye ko, “N bara ila matarali-kan lamɔɛn. I wara bɔn min sɔ ka a dantɛgɛ n ma, n bara sɔn ka wo ma n halalɛ la. Wo si to n batola nyɔ burubukai! N si a mafɛlɛn ka a kandan habadan!

1 Ko-Kɔrɔta-Karan 23:25

Mansa Dawuda ya a fɔ ko, “Isirɛla mɔgɛnuta Mari Alla ara yisi-kimɛ di ala mɔgɛnu ma. Alla nyɛrɛ si to sigini Yerusalɛm burubukai!

Yaburi 132:8

Mari, tɔn-kenkirɛ min bi ila sɛnbɛ-tamasereyɛ la, na wo la i Bato-Bɔn la. Nba, i ni na i mayigi nyɔ.

Yaburi 135:21

Wole Yerusalɛm kɛnu, wo ni Mari matɔgɔ a warɛ nyɔ. Bɛɛ ni Mari tanto!

Yaburi 68:16

Wole min bi bɛsi-kɔɛ kun na Basan kɔnkɛ ma, nfenna wo ye Allata mɔgɛnu makeliyala minnu bi a bato tinɛ a nyɛrɛta kɔnkɔ-yabɔnɛ ma? Ado nfan, Mari mayiginɛ nyɔ le habadan!

Yaburi 68:18

A ara yɛlɛ ala kɔnkɛ kuma mɔgɔ-biranɛnu na a bolo. A ye kɔ-fannu birala hali mɔgɔ-murutiyanɛnu bolo. Mari Alla si a mayigi nyɔ.

Yaburi 76:2

Bɔn ye a bolo Yerusalɛm soe burɔ. A si a mayigi ala kɔnkɔ-sɛnimɛ kuma nyɔ le.

Yaburi 87:2

Yerusalɛm di a ye ka tenbi kan tinɛ bɛɛ la Isirɛla nyamanɛ rɔ.

Aiseya 11:10

Wati ye nala, mansa-kurɛ do si bɔ Dawuda bɔnsɔn rɔ, wo si ma tamasere la duninya bɛɛ ye. Sibolenu na si dɛn ata mansaya-soe burɔ ka nyɔ gbiliya.

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Aiseya 66:1

Mari ko ata mansaya-waganɛ le san-kole la. A tontɛ rasagan tinɛ le dugu-kumɛ la. Wole lara a la, wo si ke nfen bon-sufa sɔla ale ye? A ko a si a sulen kan-tina-nyuman tɔ?

Aiseya 8:18

Ale Mari ara dan minnu di n ma, mabɛ wonu bi yan. Mari Sɛnbɛ-Bɛɛ-Tigi min bi Yerusalɛm kɔnkɔ-sɛnimɛ kuma, wo le ya ma ma sarakani-sɛnimɛ la Isirɛla mɔgɛnu ye.

Sɛfanaya 3:17

Wota Mari Alla ye wo fɛ. Ata sɛnbɛ si nɔlɛ di wo ma. Mari si nyagalen wo la. A si ni-kurɛ di wo ma bawo wo di a ye. A si nyagalen wo la ka sigi sa.

Matiyu 23:21

Mɔgɔ wa a gboro Alla-Bato-Bɔn rɔ tumɛ min, a ye a gborola a rɔ anubɛ Alla min siginɛ nyɔ burɔ.

Ɛfɛsa 2:22

Bɔn wo le malebɛ wole sibolo-gbɛrɛnu na. Alla mayiginɛ a rɔ ata Ni-Sɛnimɛ baraka rɔ.

Hiburunu 12:22

Kɔnɔ wole ara ke Sayɔn kɔnkɛ min ma, Mansa Dawudata kɔnkɛ le wo la anubɛ Alla-nimɛta soe, Yerusalɛm min bi Arinyɛni tɔ, kɔni. Allata melika waga siyamɛ minnu nadɛnnɛ nyɔ, sewɛ ye wonu yisi rɔ.

Lankɛnimayɛ 21:23

Soe wo mako mumɛ sa tele anubɛ karɛ la bawo Allala gbiliyɛ ye malanna a burɔ. Ata lɛnpu le saga-dan la.