Yaburi 131:1 - ALLALA KUMƐ

¹ E, Mari, n bara n boloka nta wasinteyɛ la. N bara n kan-kɔ sɔ n nyɛrɛ-kɔrɔtɛ la. N ti nyɛrɛ-kɔndɔfili-koe ladan tun. Ko-makawani-wɛnu bɔrɔ sa n ye tun.

Yaburi 131:1 ပူးပေါင်းရင်းမြစ်များ

2 Samuwɛli 6:22

ado n si n nyɛrɛ bɔrɔbɔ ka tenbi a fɔlɔtɛ la i yala. Tumado ile si i miri kɔrɛ iko fenfen ma nde la kɔnɔ yɔɔn-musi wonu si n gbiliya.”

Yobu 42:3

Mari, ile le ya nyinikalɛ sa ko, “Yon bi kun-takolɔn kɛ la min bi ila hɛnkilimayɛ manyinikala?” Nde ko-nya-yenbɛlɛ le ya wo ma bawo n ma kabana-koe wonu nya-lɔn.

Yaburi 101:5

N si tɔn sigi wɛwɛ-salɛnu na minnu si nyɔgɔn-kɔma-kumɛ fɔ. N ti ke n muinna mɔgɔ-wasini fenfen kɔrɔ.

Yaburi 122:1

Anu bara a fɔ n ye tumɛ min ko ma ni ta Mari Bato-Bɔn la, ma sewara ma nyɔgɔn fɛ,

Yaburi 124:1

Wole Isirɛla mɔgɛnu, wo ni kumɛ kɛ yabi. Ni Mari sa ma fɛ nun, wo si ma kama ma bolo?

Yaburi 133:1

Allata mɔgɛnu ba sigi anu nyɔgɔn fɛ kan kelen tɔ, wo kin dɔgɔma-ma-de!

Yaburi 139:6

I ya n lɔn nya min, wo da-rakolo. N ti ke wo nya-yenna.

Hɛnkilimaya-Kumɛnu 21:4

Karagbɛlɛ si a nyɛrɛ kɔrɔbi ka wasi, ado hakɛ le wo la.

Yɛrɛmaya 17:16

N Mari, i ya n ma ila mɔgɛ kɛnu saga-fɛ-biralɛ la, ado n ma n ban wo ma. A ma di n ye tele-makilannɛ ni na nun. Mari, n bara min bɛɛ fɔ, i ye wo bɛɛ kalama.

Yɛrɛmaya 45:5

Nfenna wo rɔ, ile Baruki yili ye kun-nadiyɛ ko? A ko hali i ma i miri wo ma. A si kasarɛ lana mɔgɛ bɛɛ ma kɔnɔ i taranta kan-bo-kan, a ko i si ta i niyi dɔrɔn na i bolo.

Yilan-Yilan Koe 12:3

(Hali wo, Musa, mɔgɔ-famayiginɛ le ka tenbi mɔgɛ bɛɛ la duninya kɛ rɔ.)

Matiyu 11:29

Wo ni nta dunɛ bi ka wo sa wo kuma. Wo ni karan nde fɛ bawo n dinyanɛ, n famayiginɛ. Nba, wo si wo sulen worɔ.

Kɛwɔlɛnu 20:19

Yahudiya donu ya dunbɛ rasa n ma ka a lagbɛlɛya n kuma ha n ya-yi bɔra kɔnɔ n ya nna wɔlɛ bɛɛ kɛ Mari ye famayigi rɔ.

Romu 11:33

Allala nɔnfuli kolo de! Ala hɛnkilimayɛ anubɛ ata lɔnnɛ ti ban mumɛ! Yon si ke ata ko-latɛgɛnɛnu faranfasila? Yon si ke a miriyanu lɔnna?

Romu 12:16

Wo kana lafisalayɛ kɛ. Wo kana wasi fɔ ka wo famayigi. Wo kana wo nyɛrɛ lɔn hɛnkili-bɔrɔ-tigi la.

Tɔn-Fɔɛ-Fila-Nyɔgɛ 17:20

Fananta a ye tɔn wonu karanna, a si a lɔn worɔ ko anubɛ Isirɛla mɔgɛ toenu, kelen de anu na. A ma tenbi anu na nya-wo-nya. Min sanɛ wo kuma, a ti Marita tɔnnu fanan tinya mumɛ! Wo si a ma, a ni mɛ mansayɛ la. Hali ala dannubɛ a mamanɛnu anubɛ a kegeyɛnu si a gbɛ bi Isirɛla mɔgɛnu kuma.

1 Tɛsalonaika 2:10

Ma siginɛ wo fɛ tumɛ min, ma sɛninyanɛ, ma telennɛ, fɛɛ ma taran ma la wole dɛnkɛninya-mɔgɛnu tɛma. Wo nyɛrɛ le wo sereyɛ la anubɛ Alla.

1 Samuwɛli 16:13

Samuwɛli ya dantɛgɛ-tuli wo bi ka a kɛ Dawuda kunyɛ rɔ a kɔrɔnu yala. Tiriyante wo rɔ, Marita sɛnbɛ yigira Dawuda kuma. A tora Dawuda fɛ wo nya na le burubukai! Wo kɔma, Samuwɛli sɛgira a kɔma Rema soe burɔ.

1 Samuwɛli 16:18

Ala wɔli-kɛlɛ do ya a fɔ ko, “Kei do ye Bɛtalehɛm soe burɔ. A tɔgɛ le Yɛsi. Ala dan do ye nyɔ, wo kusan sɔrɔn fɔla dɔgɔma-ma-de! A kerinte. Kɛlɛ-kurugbɛ le, ado a kusan kumala fanan. A mafɛlɛn di. Mari fanan bi a fɛ.”

1 Samuwɛli 16:22

Wo kɔma, Mansa Sɔli ya kilayɛ lata Yɛsi ma, a ko, “Ila den Dawuda kɛ di n ye. A sɔgɛ ye n na, a ni to wɔlila n ye.”

1 Samuwɛli 18:23

Anu ya kɛ dama fɔ Dawuda ye tumɛ min, wo ya a fɔ anu ye ko, “Gbiliya-su kɛ kolo nde bolo-kolon-mayɛlɛnnɛ bolo ka ma mansɛ biran-kei la.”