Yaburi 126:5 - ALLALA KUMƐ

⁵ Minnu si fen-fuyi kɛ yisi-tinyɛ rɔ, wonu denu si fen-tɛgɛ-kɛ sewɛ rɔ.

Yaburi 126:5 ပူးပေါင်းရင်းမြစ်များ

Yaburi 137:1

Ma sigira Babilɔn bɛnu dafɛ tumɛ min, ma hɛnkili wa tugu Yerusalɛm na tuma-wo-tuma, ma si diyi tɛgɛ a rɔ.

Aiseya 35:10

Anu ba don Yerusalɛm lunyɛ min, anu si sewa dɔgɔma-ma-de! Anu si anu dɛ sa-a-rɔ sigi sa tinɛ sewɛ bolo. Anu si to sewɛ rɔ burubukai! Anu ti mɔnɛ anubɛ nyagbɛ sɔrɔn tun.

Yowɛli 2:17

Wole saraka-masɔlɛ minnu bi wɔlila Mari ye saraka-mintan-tinɛ anubɛ Bato-Bɔn don-dɛ tɛma, wo di ka Alla matara. Wo ni a fɔ ko, “Mari, kinikini ila mɔgɛnu ma. I yandi, i kana sɔn, sibolo-gbɛrɛ-mɔgɛnu ni yɛlɛn ma ma ka a fɔ ko kɛnuta Alla ye mintɔ?”

Yowɛli 2:23

Mari si a fɔ wole, Yerusalɛm kɛnu fanan ye ko wo ni sewa ka a tɛgɛ ale Mari ara min ma wo ye. A ara banda-yi kun-fɔlɛ di wo ma, ado a ara bandɛ yirika lana wo ye min si wola sɛnɛnu tabɔ.

Matiyu 5:4

Mɔgɔ-sewanɛ le wo mɔgɛ la min bi dila a yisi rɔ bawo Alla si a yisi-kimɛ!

Kalesiya 6:9

Ma ni ma tunadiya ko-nyima-kɛ-koe ma bawo ni ma ma bandan, wati si na, ma si ma ko-nyima-kɛ-sarɛ sɔrɔn.