Yaburi 124:3 - ALLALA KUMƐ

³ anu si ma kɛndɛ lakunu nun anu yisi-kuna-wɛ ma.

Yaburi 124:3 ပူးပေါင်းရင်းမြစ်များ

Ɛsita 3:6

Wo rɔ, a ban a lɔnna ko Yahudiya le, a ya a latɛgɛ a yisi rɔ ko, “N sa Mɔdekɛyai kelen nanyinina tun.” A ya a kɔnkɔn Yahudiya dama lato-koe ma Pasiya nyamani-tonke bɛɛ rɔ.

Yaburi 27:2

Karagbɛlɛnu ba wuli n kan ma ko anu ni n faga, anu si anu kiannu natugu ka bui.

Yaburi 35:25

I kana sɔn, anu ni a fɔ n ma ko, “Ma ye nyinina min ma, wo le wara ma, yɔ! A ara tunu ma tɛma yen!”

Yaburi 57:3

a si a lamɔɛn san-kole rɔ ka n kisi. A si n yoge bɛɛ nɔ. Alla si ata hinɛ anubɛ lanayɛ yira n na.

Yaburi 74:8

Anu bi ma rasirindi-koe le tɔ nun. Kan-tina-sɛnima min bɛɛsi ye mala nyamanɛ rɔ, anu bara wo bɛɛsi mintan gburr!

Yaburi 76:10

Hali mɔgɛnuna diminyɛ, a laban si ma ile Mari ye gbiliyɛ la. Minnu kunyɛ ma to kɛlɛ rɔ, wonu si anu taya ka ladiyɛ bɛɛ kɛ i gbiliya-koe rɔ a kilɛ fɛ.

Yaburi 83:4

Anu bi a fɔla ko, “Wo na, ma ni mɔgɛ kɛnu nato alako Isirɛla wara-koe ni tuni yen!”

Yaburi 83:5

Anu bi kan kelen tɔ anuna gbundi wo rɔ. Anu bi dunbɛ kirila wo kan ma.

Yɛrɛmaya 51:34

Babilɔn Mansa Nɛbukanasa ara Yerusalɛm soe dɔn. A ya soe rakolonya iko yi-bara-takolɔn. A ya a dama lakunu iko ninkinankɛ. Min di a ye, a ya wo bi ka a toe lakɛ a rɔ.

Daniyɛli 3:19

Mansɛ ya kumɛ wo lamɔɛn tumɛ min, a yakɔrɔ rapinpira diminyɛ bolo. Ale mansɛ ya a fɔ ala wɔli-kɛlɛnu ye ko anu ni tɛ wo ladɛn. A wuyan ni tenbi a fɔlɔtɛ la pirr!

Yona 1:17

Mari ya yɛgɛ-belebele do sɔ ka Nɛbi Yona lakunu. A ye a burɔ su sawa, tele sawa.

Matiyu 2:16

Hɛrodi ya a lɔn tumɛ min ko tele-bɔ-hɛnkilimɛnu bara a yanfa, a yisi bɔra bɛrɛkɛ! A ya a fɔ ko den-kei min bɛɛ ye Bɛtalehɛm soe burɔ anubɛ a dafɛ-soenu tɔ, a ko dan minnu sɔrɔn ma tenbi san fila la, wo bɛɛ ni faga. Hɛnkilimɛnu ya lole wo yen wati min, ale Hɛrodi ya san-fila-koe wo latɛgɛ wola ko la.

Kɛwɔlɛnu 9:2

ka kɛdinu manyinika a bolo minnu si ale Sɔli wara-koe fɔ Yahudiyanuna dina-bon-kun-tiginu na Damasika soe burɔ. Kɛdi wonu ko ni a ya mɔgɔ-wo-mɔgɔ taran Marita kilɛ fɛ nyɔ, a ni wo bira ka ta wo la Yerusalɛm, kei wo, musu wo.