Yaburi 123:3 - ALLALA KUMƐ

³ Mari, kinikini ma ma. Kinikini ma ma bawo mɔgɛnu bara yo ma ma kati!

Yaburi 123:3 ပူးပေါင်းရင်းမြစ်များ

2 Samuwɛli 6:16

Anu bi anu kun nabɔla soe ma tumɛ min tɔn-kenkirɛ wo la anu bolo, Sɔlila dunmusi Mikali min tora Mansa Dawuda ye, wo ya a yɛ labɔ wundan la. A ya Mansa Dawuda yen nala a dɔnna anubɛ a ye gbangbanna a sɛbɛ-kuna-wɛ la Mari yakɔrɔ, a bɔrɔbɔra a ye.

2 Mansɛnu 19:3

Mansa Hɛsakaya ya a fɔ anu ye ko anu ni a fɔ Nɛbi Aiseya ye ko, “Tɔrɔ-tele le bi la. Ma ye tɔrɔyɛ anubɛ yarabiyi kɔrɔ bi. Ma mani de iko musi min bi mui-koe rɔ kɔnɔ sɛnbɛ sa a bolo tun den sɔrɔn tinɛ.

Yobu 19:15

N duruta mɔgɛ minnu yiyala nun, wonu ma anu miri n ma tun. Hali nna wɔli-kɛ-musinu, wonu bi n bira boloko-yogomɛ-kɛla iko mɔgɔ-gbɛrɛ.

Yaburi 4:1

E, n kun-makalɛ Alla, i yandi, n ba i rakele n dɛnbɛn-koe rɔ, i ni a labira. N tagbɛrɛnnɛ wati min, ile le ya n kumafunfan. Nba, i ni nta madiyali-kan lamɔɛn. I ni i gbɛ latugun ka kinikini n ma.

Yaburi 57:1

E, Alla, kinikini n ma bawo ile si n matanka. N bi i kanban kɔrɔ n matanka-koe la ha nna nyagbɛ kɛ ni bɔ n kuma.

Aiseya 53:3

Mɔgɛnu bara anu ban a la ka a magboya. Tɔrɔyɛ anubɛ dumɛ da ra kolo a kuma ha a mapɛsɛkɛrɛyara. Wo ya a ma, mɔgɔ ma ke a mafɛlɛnna. Mɔgɔ ma a yakɔrɔ yira a la bawo anu ma a yatɛ fenfen na.

Nimisa Koe 3:30

Hali anu ya gbesili anubɛ mɔɛn sigi ma ma, ma si ma munyu wonu kɔrɔ.

Isikiyɛli 36:6

“Woletɔ i ni wɔlɔyiya-kumɛ fɔ Isirɛla nyamanɛ ye. A kɔnkɔ wo, a gburukulu wo, a folo wo, a lɛɛ wo, nde, anu Tigi Mari ye min fɔla anu ye keliyɛ anubɛ yisi-bɔɛ la, wo fɔ anu ye. N bi wo fɔla le ka a tɛgɛ sibolo-gbɛrɛnu bara Isirɛla lafɛya nya min ka anu namiliya.

Luka 16:14

Farisinu ya kɛ bɛɛ lamɔɛn tumɛ min, anu ya Yisa mayɛlɛn bawo wodi di anu ye kati!

Luka 23:35

Mɔgɛnu sɔra a mafɛlɛn tinɛ. Yahudiyanuna kun-tiginu bi a mayɛlɛnna, anu ko, “A ya donu kisi kɔnɔ ni Allata-Mɔgɔ-Yabɔnɛ le ale la, alamɛ a ya a nyɛrɛ kisi!”