Yaburi 123:2 - ALLALA KUMƐ

² E, mata Mari Alla, ma yɛ bɛnnɛ i ma ha i ni kinikini ma ma iko wɔli-kɛlɛ si a yɛ bɛn a tigi ma nya min.

Yaburi 123:2 ပူးပေါင်းရင်းမြစ်များ

Ko-Dabirɛnu 32:26

Kei wo ko, “N boloka kamasɔrɔn waan ra ye ka tinɛ le.” Kɔnɔ Yakoba ko, “N ti i boloka mumɛ, fɔ i wa duwa n ye.”

Ko-Dabirɛnu 49:18

Yakoba ya madiyali kɛ ko, “E, n Mari, mabɛ nna dannu bi ila kisi-koe makɔnɔna.” Wo kɔma, a ya wɔlɔyiya-kumɛ dabira tun.

1 Mansɛnu 1:20

Kɔnɔ mansɛ, Isirɛla mɔgɛ bɛɛ yɛ le bɛnnɛ i ma. Anu bi i mafɛlɛnna ka a lɔn ni min si na ma mansɛ la ile gbɛ rɔ.

2 Ko-Kɔrɔta-Karan 20:12

Mata Alla le ile la. Kɛlɛ-den-siyamɛ minnu bara na ma kan ma kɛ la, ma dɛnbɛna-gbɛrɛ sa kɛlɛ kɛ rɔ fɔ ile. I yandi, na ma yoge kɛnu tɔrɔ ma ye. Ma kɔndɔfilinɛ. Ma yɛ bɛnnɛ ile le ma ma dɛnbɛn-koe rɔ.”

Yaburi 119:82

N yɛ ara mɛ gbalani kilɛ la, ado a ma ara bira ita lanyirila ko la woletɔ n ya i manyinika ko, “I si n dɛnbɛ muntuma?”

Yaburi 25:15

N yɛ bɛnnɛ Mari ma dɛnbɛnɛ wara-koe rɔ tuma-wo-tuma. A ye n tankala masibɛ ma.

Luka 18:1

Lunyɛ do, Yisa ya tili kɛ tɛgɛ anu ye ka anu karan alako anu ni madiyali kɛ wati bɛɛ. Anu kana kuri.

Yasowa 10:6

Kibiyon mɔgɛnu ya anu nakaliya ka kilayɛ lata Yasowa ma Kiligali ko, “Wo ni na ka ma dɛnbɛ kɛlɛ-kɛ-tinɛ alako ma ni kisi. Wo kana ma boloka! Wo ni ma dɛnbɛ bawo Amora mɔgɛ minnu bi kɔnkɔ-nyamanɛ rɔ, wonu bara kun kan kelen ma ka na ma kɛlɛ tinɛ.”

Yasowa 9:23

Alla ara wo danka bawo wo ya foninyɛ kɛ fɔ. Ka a dabira kaka, wo si ma wɔli-kɛlɛnu na Allala saraka-bɔ-tinɛ ka sɔgɔ nyini anubɛ ka yi maduni Marila bɔn la.”

Yasowa 9:27

Kɔnɔ wo wati rɔ, a ya anu ma wɔli-kɛlɛnu na. Anu mara sɔgɔ-nyininɛnu anubɛ yi-bilɛnu na. Mari ya saraka-mintan-tinɛ min yabɔ a bato-koe la Isirɛla mɔgɛnu ye, anu bi wɔlɛ wo le kun na bɔn la nyɔ ha bi.