Yaburi 122:6 - ALLALA KUMƐ

⁶ Wo ni madiyali kɛ alako yisi-kimɛ ni don Yerusalɛm soe burɔ. A di minnu ye, alamɛ wonu mara-a-la.

Yaburi 122:6 ပူးပေါင်းရင်းမြစ်များ

Ko-Dabirɛnu 12:3

Min ba duwa i ye, nta duwɛ si to wo kuma. Min ba i danka, n si wo danka. Duninya-mɔgɛ bɛɛ si duwɛ sɔrɔn ile fɛ.”

Nihɛmaya 11:1

Kun-tiginu sigira Yerusalɛm soe burɔ, Allata so-sɛnimɛ, kɔni. Mɔgɔ-toenu ya korɔn lakɛ ka a tɛgɛ anu sigi-koe ma Yerusalɛm soe burɔ. Denbaya-tigi tan wa korɔn lakɛ, a si diya denbaya-tigi kelen de la. Wonubɛ ala denbayɛ ni ta anu sigi Yerusalɛm soe burɔ. A to kɔnɔntɛ, wonubɛ anuna denbayɛnu si ta sigi so-nɛnu tɔ.

Nihɛmaya 11:2

Ni min ya a nyɛrɛ bɔ ka ta sigi Yerusalɛm soe burɔ, mɔgɛnu si wo tigi matɔgɔ.

Ɛsita 4:8

Yahudiyanu faga-koe min sɛbɛnɛ Susa soe burɔ, Mɔdekɛyai ya wo do don a bolo ko a ni ta a to Ɛsita ma. A ya a fɔ wo ye ko a ni ta a fɔ Ɛsita ye ko Ɛsita ni ta ala kei Mansa Sakasi madiya alako a ni kinikini ale Ɛsitata mɔgɛnu ma.

Yaburi 51:18

E, Alla, i ni ko-nyimɛ kɛ mata so-karantan ye, Yerusalɛm, kɔni. I ni a tarɛ sɔ kura kɛ tun.

Aiseya 62:7

Wonu kana sɔn, Mari ni a niyi madɛn doni bɛrɛn ha a ni ban Yerusalɛm sɔ-kurɛ kɛla, ado a si a ma, duninya mumɛ bɛɛ si to soe wo matɔgɔla.

Aiseya 66:10

Ile Yerusalɛm, i ni sewa. Nyɔ di wole min ye, wo ni nyagalen. Wole min donu yisi-magboyanɛ Yerusalɛm wara-koe la nun, wo ni sewa ala ko la gbɛ!

Yɛrɛmaya 29:7

A ko a ya wo lata birɛ rɔ soe min tɔ, wo ni wɔli-nyimɛnu kɛ nyɔ. Wo ni Mari madiya wola soela ko la wo siginɛ min tɔ. Ni yisi-kimɛ ye soe wo rɔ, wole fanan si taran yisi-kimɛ rɔ.

Yɛrɛmaya 51:50

Mari ya a fɔ ala mɔgɛnu ye Babilɔn nyamanɛ rɔ ko, “Wo ara sayɛ masangba min kɛ, wo kana fenfen makɔni. Wo ta! Hali wo fɛ-yan wo warɛnu na, wo kana nyina nde, Mari ko anubɛ Yerusalɛm soe.

Yilan-Yilan Koe 24:9

Isirɛla mɔgɛnu manɛ iko yara-feremɛnu. A tenbi kinɔgɔla, mɔgɔ-wo-mɔgɔ ti kerinteya a lakundenna. Ni min duwara Isirɛla mɔgɛnu ye, wo tigi si duwɛ sɔrɔn. Ni min ya anu danka, wo tigi si dankɛ sɔrɔn.”

Yɔni 17:21

N bi madiyali kɛla ko anu bɛɛ ni ma kelen na. E, n Fa! Iko i ye nde rɔ nya min, anubɛ nde ye ile rɔ nya min, anu fanan ni taran nde rɔ wo nya le. Wo le si a ma, duninya-mɔgɛnu si la a la ko ile le ya n sɔ.

Ɛfɛsa 4:3

Wo ara ma na kelan la Allata Ni-Sɛnimɛ baraka rɔ min kɛ, wo ni wo raya ka to kan kelen tɔ yisi-kimɛ rɔ, ado yisi-kimɛ wo si wo latugun wo nyɔgɔn na.

2 Tɛsalonaika 3:16

Mari nyɛrɛ min bi yisi-kimɛ dila ma ma, alamɛ wo ya yisi-kimɛ di wo ma tumɛ bɛɛ, nya bɛɛ ma. Mari ni to wo dama fɛ.

1 Yɔni 3:14

Ma ya a lɔn ko ma ara bɔ sayɛ rɔ ka don nimayɛ rɔ bawo ma ara ma na-kelen-nyɔgɛnu keni. Ni keninteyɛ sa minnu tɔ, wonu bi saya-sɛnbɛ kɔrɔ ha kaka.

1 Samuwɛli 12:23

Kɔnɔ ni nde, Samuwɛli ya n ban Mari madiyala wo ye, wo si ma hakɛ la n bolo, ado Mari ni n tanka wo ma. Yanni n ni wo ma, n si wo karan tonyɛ anubɛ ko-latelennɛ ma.