Yaburi 119:98 - ALLALA KUMƐ

⁹⁸ Ita tɔnnu bi n bolo le tele-wo-tele. Wonu si n hɛnkili dɛ laka ka tenbi n yogenu na.

Yaburi 119:98 ပူးပေါင်းရင်းမြစ်များ

Yaburi 119:11

N ya ita kumɛ lamara n yisi rɔ alako n kana hakɛ kɛ i la.

Yaburi 119:30

N bara a latɛgɛ feu, ko fɔ n ba ila sereyanu bira. N sɔndɔmɛ sɔnɛ ila sereyanu denu na sokesoke!

Hɛnkilimaya-Kumɛnu 2:6

Mari le si hɛnkilimayɛ anubɛ lɔnnɛ di mɔgɛ ma. Wo kɔma, a si a ma, i ni a nya-yen.

Hɛnkilimaya-Kumɛnu 28:5

Karagbɛlɛnu ma telenbagayɛ lɔn. Kɔnɔ mɔgɛ minnu bi Mari batola, wonu ya telenbagayɛ lɔn.

Tɔn-Fɔɛ-Fila-Nyɔgɛ 4:6

Ni wo ya tɔn kɛnu bira, wo si a yira sibolo-gbɛrɛnu na ko hɛnkilimɛ le wole la. Anu ba wola tɔn kɛnu wara-koe lamɔɛn, fɔ anu ba a fɔ ko, ‘Mɔgɛ kɛnu kusan ko ladanna, anu hɛnkili kolo.’ ”

Tɔn-Fɔɛ-Fila-Nyɔgɛ 4:8

Hali sibolo-gbɛrɛkɛ-mɔgɛnu siyayara ka tenbi ma la kɔnɔ tɔn sa anu bolo minnu natelennɛ iko n bara wo karan min na kɛ la bi.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

Yemesi 1:25

Kɔnɔ Allala tɔn-kanbalinɛ min si mɔgɔ hɔrɔya, mɔgɛ ni to wo mafɛlɛnna. Mɔgɔ-wo-mɔgɔ wa a yigi sa a rɔ, ado a ma a tole masɔ dɔrɔn ka a yili bɔ kumɛ wonu ko, Allatala ye nyinina min ma, a ye wo bɛɛsi mala. Wo tigi wa a bole bila ko-wo-ko rɔ, Alla si a lasabati.

1 Samuwɛli 18:14

A ya kɛlɛ min bɛɛsi kɛ, a ya nɔ-ko sɔrɔn bawo Mari ye a fɛ.

1 Samuwɛli 18:30

Dawuda anubɛ Filisitinu ya kɛlɛ min bɛɛsi kɛ, Dawuda ya nɔ-ko sɔrɔn Filisitinu ma ka tenbi Mansa Sɔlila kɛlɛ-den-kun-tigi doinu na. Woletɔ Dawuda tɔgɛ bɔra bɛrɛkɛ!

1 Samuwɛli 18:5

Mansa Sɔli ya Dawuda sɔ ko-wo-ko la, a si wo ma a kilɛ fɛ. Woletɔ Mansa Sɔli ya kun-tigiyɛ di a ma kɛlɛ-dannu tɛma. Ala kun-tigiya-sɔrɔn wo diyara Mansa Sɔlila kɛlɛ-dannubɛ ala mɔgɔ-banu ye.