Yaburi 119:49 - ALLALA KUMƐ

⁴⁹ I miri, i wara nde, ita wɔli-kɛlɛ yili-madiya min kɛ. Yili-madiyɛ wo le ya a ma, n yigi sara i kuma.

Yaburi 119:49 ပူးပေါင်းရင်းမြစ်များ

Ko-Dabirɛnu 32:9

Yakoba ya Alla madiya ko, “E, n benba Iburayimata Alla, n fa Isiyakata Alla, i wɔlɔ matɔlɔ nta madiyalɛ kɛ la. Mari, ile le ya a fɔ n ye ko n ni sɛgi nna mɔgɛnu barɛ nta nyamanɛ kɛ rɔ. Ile le ya a fɔ ko i si koe bɛɛ ma a kilɛ fɛ nde ye ka ko-nyimɛ kɛ n ye.

Ko-Dabirɛnu 8:1

Alla ma nyina Nowa anubɛ soge wonu ko minnu bi kulɔn wo rɔ nun. Alla ya fɔnyɔ latugu ka yi masagan.

2 Samuwɛli 5:2

Kebi Mansa Sɔli ye a kɛndɛ la wati min, ile le sɔnɛ ma yarɔ kɛlɛ rɔ, ado Mari ara ban lanyiri kirila i ye nun ko ile le ye sɔla male yarɔ ka ma mala mansɛ la.”

2 Samuwɛli 7:25

“Nba, Mari Alla, a sɔgɛ ye n na, i ni ila sarama-kan latɔnbagaya mabɛ n kegeyɛnu ye tolon, iko i wara a fɔ nya min nun.

Yobu 7:7

E, Alla, i miri. N siyi si ban tiriya, iko niyi-lafɛ-kelan. N yɛ ti sa nyagalan ma tun.

Yaburi 105:2

Wo ni baraka-bira-bɛtinu bɔ Mari ye. A ara kabana-koe min bɛɛsi ma wo ye, wo ni wonu takaran.

Yaburi 105:42

Alla ya sarama-kan-sɛnimɛ min kiri ala wɔli-kɛla Iburayima ye, a ma nyina wonu ko.

Yaburi 106:4

Mari, i wa wuli ila mɔgɛnu dɛnbɛna, i ni i fonde lamiri nde fanan ma. I tenbi ila mɔgɛnu nakisila, i kana nyina nde fanan ko.

Yaburi 106:45

Ka a tɛgɛ wo ma, a ya a miri anu tɛma-sarama-kan ma. A ya a miriya yɛlɛman ala keninteya-belebele-wɛla ko la anu bara la.

Yaburi 119:147

Yanni sun-tele ni tii, n ya n nasɔ ka i rakele n dɛnbɛn-koe ma. N ya n yigi sa ita yili-madiyɛ rɔ.

Yaburi 119:43

N dɛnbɛ, n ni to tonyɛ fɔla wati bɛɛ rɔ bawo n yigi sanɛ ita tɔnnu kuma.

Yaburi 119:74

Minnu bi i gbiliyala, wonu ba n yen, anu si sewa bawo n lanɛ ita yili-madiyɛ la.

Yaburi 119:81

Mari, n tafaganɛ ye i makɔnɔna n nakanan-koe rɔ kɔnɔ hali wo, n lara ita kumɛ la.

Yaburi 71:14

Tumɛ bɛɛ, n yigi sanɛ ile le tɔ. N si i tanto dɛɛ!

Aiseya 62:6

Mari ara so-makandannɛnu sigi tala tarɛ kuma. Suyi rɔ, tele rɔ, anu ti anu tade. Wonu bi nyɔ alako Mari hɛnkili la ni bila ata lanyirinu ko. Wonu kana sɔn, Mari ni nyina doni bɛrɛni!

Romu 15:13

Ma yigi siginɛ Alla min tɔ, alamɛ wo ya wo lafa sewɛ anubɛ yisi-kimɛ la wola dɛnkɛninyɛ fɛ. Wola yigi min bi Yisa rɔ, wo ni to warala Allata Ni-Sɛnimɛ baraka rɔ.

1 Pita 1:13

Nba, wo ni wo hɛnkili masɔ ka wo sɛbɛ don. Wo ni wo yɛ lakalan ka wo yigi sa Kirasitita duwɛ kuma, ado Kirasiti wa bɔ gbɛ rɔ tumɛ min, a si wo di wo ma feu!

1 Pita 1:21

Wo dɛnkɛninyanɛ Alla ma ale le baraka rɔ. Alla min ya a lawuli ka a bɔ furinu tɛma, wo le ya gbiliyɛ di ale ma. Woletɔ wola dɛnkɛninyɛ anubɛ wo yigi sanɛ ale Alla kuma.