47 Ita tɔnnu-birɛ si a diya don n tɔ bawo anu di n ye.
N si Mari tanto! Mɔgɔ-sewanɛ le wo tigi la min bi Mari gbiliyala ka ata tɔnnu bira sewɛ la.
Lanayabɛlɛnu gbo n ye kɔnɔ ita tɔnnu keninɛ n bolo.
I si karagbɛlɛnu bira boloko-yogomɛ-kɛ iko nyama-nyama, woletɔ ila karan di n ye.
Ita tɔnnu di n ye kosɛbɛ! A di n ye sɛnɛ-bɛrɛ ko.
Sika-wo-sika sa ita yili-madiyɛ rɔ. Ila kumɛ di nde, ita wɔli-kɛlɛ ye dɔgɔma-ma-de!
Mari, i wara a yen, ita karan di n ye. Ila keninteyɛ ti yɛlɛma, woletɔ i yandi Mari, n nakanan.
Ila tɔnnu ya n nanyagalen. N yili ti bɔ ita sereyanu ko muk!
Foninya-sɔgɔ labɔnɛ le n na lass! Kɔnɔ ita tɔnnu di n ye kati!
N ya ita tɔnnu bira. Anu di n sɔn-kole ye.
E, Mari, a sɔgɛ ye n na, i ni n dɛnbɛ ka n nakanan. N si sewɛ sɔrɔn ita tɔnnu denu tɔ.
Ila labilɛ ya a ma, n sewara. N makawandilɛ le ila sereyanu na.
Ila sereyanu gbili n ma, ado anu di n ye. Ila labilɛ wara-koe ti bɔ n kunyɛ rɔ.
Ila tɔnnu di n ye kosɛbɛ! Telen-gbɛn, n bi n mirila anu ma.
Yisa ya a fɔ anu ye ko, “Min ya n sɔ ka ata wɔlɛ lakanbali ka wo sako kɛ, wo le si n buyi lafa.
Tɔn-kitabu nyɛrɛ sɛnima, a telenta, a kin.
N sa a fɛ ka min ma, n ba wo ma tumɛ min, wo si a yira ko n bara sɔn ko Allata tɔn-kitabu telenta.
ado n sewanɛ n yisi rɔ ka a tɛgɛ Allala tɔn wara-koe ma.
Kɛ-nya min bi Kirasiti Yisa bolo, wo ni wo le bi.
Alla ya wo kele wo le ma. Kirasiti nyɛrɛ tɔrɔta wo ye ka misalɛ to wo bolo alako wo ni bila a kin-gbɛ fɛ.
