Yaburi 119:43 - ALLALA KUMƐ

⁴³ N dɛnbɛ, n ni to tonyɛ fɔla wati bɛɛ rɔ bawo n yigi sanɛ ita tɔnnu kuma.

Yaburi 119:43 ပူးပေါင်းရင်းမြစ်များ

Yaburi 119:114

Nna kandannɛ anubɛ n kumafunfannɛ le ile la. N yigi sanɛ ita yili-madiyɛ rɔ.

Yaburi 119:120

N fɛrɛ ye a burila n ma bawo n bi kilanna i la. N kumakɔnɛ kilan bolo ka a tɛgɛ ila kitila ko ma.

Yaburi 119:13

I ya tɔn minnu di ma ma, n si n kuli mayɛlɛ wonu karan tinɛ.

Yaburi 119:147

Yanni sun-tele ni tii, n ya n nasɔ ka i rakele n dɛnbɛn-koe ma. N ya n yigi sa ita yili-madiyɛ rɔ.

Yaburi 119:175

Niyi keni n ye woletɔ n si i matɔgɔ, alamɛ ita karan ya ko nyinya n ma.

Yaburi 119:52

Ila sereya minnu bi nyɔ kebi kɔrɔma la, n hɛnkili tora bilala wonu ko. Mari, wonu ya n kɔntɔ-diya le.

Yaburi 119:74

Minnu bi i gbiliyala, wonu ba n yen, anu si sewa bawo n lanɛ ita yili-madiyɛ la.

Yaburi 119:81

Mari, n tafaganɛ ye i makɔnɔna n nakanan-koe rɔ kɔnɔ hali wo, n lara ita kumɛ la.

Yaburi 43:1

E, Alla, i yandi, n yo di n ma. I ni n fɛka Alla-lɔnbɛlɛnu ye. N nakanan foninya-fɔlɛnu anubɛ karagbɛlɛnu ma.

Yaburi 50:16

Kɔnɔ Alla ye a fɔla karagbɛlɛnu ye ko, “Nna tɔn minnu bi wo kunyɛ rɔ, nfenna wo kirinɛ wonu fɔɛ ma? Nfenna wo ye nna sarama-kan wara-koe fɔla?

Yaburi 9:16

Mari ye a kɛ-nya yirala ala mɔgɛnu na iko a ye kiti tɛgɛla a kilɛ fɛ nya min. Karagbɛlɛnu fanan si bira anu nyɛrɛta yili-lasiginɛ la.

Yaburi 9:4

I telennɛ min kɛ, i wara n kiti ka yo di n ma.

Aiseya 59:21

Mari ko anubɛ ata mɔgɛnu bi nala sarama-kan min kirila anu nyɔgɔn tɛma, wo le kɛ la. A ko ata kumɛ anubɛ ata Sɛnbɛ ti bɔ anu fɛ. A ko a si to anu denu, anubɛ anuna dannu, anubɛ anu kebilɛnu fɛ burubukai!

Ɛfɛsa 1:13

Wole fanan mara a halalɛ la wo nya na le. Wo ya tonyɛ lamɔɛn tumɛ min, wo dɛnkɛninyara Kirasiti ma. Kibara-nyimɛ wo nara kisi-koe la wo ye. Alla ya wo ma atɛ la ka ata tamasere sigi wo kuma, ata Ni-Sɛnimɛ, kɔni, ado lanyiri kirinɛ ata Ni-Sɛnimɛ wo le di-koe rɔ wo ma nun ka a yira ko Allatɛ le wole la.

Yemesi 1:18

Ka a tɛgɛ ala keninteyɛ ma mala ko la, a ya ma ma ala dan la kamasɔrɔn a ya tonya-bɛrɛ di ma ma iko a ya a latɛgɛ nya min. A ya wo ma alako male ni sɔ-tina-fɔlɔtɛ sɔrɔn ala dali-fan bɛɛ tɛma. A halalɛ le male la gbɛ!

1 Pita 2:23

Anu ya a lafɛya tumɛ min, a ma atɛ lasɛgi ka anu fanan nafɛya. A tɔrɔta tumɛ min, a ma a kɔnkɔn fɔ ka a yigi sa Alla rɔ, bɛɛta kiti-tɛgɛla-latelennɛ, kɔni.