Yaburi 119:37 - ALLALA KUMƐ

³⁷ N miriya bɔ ko-fuyinu ko. Nyimaya n ma iko i wara n yili-madiya nya min.

Yaburi 119:37 ပူးပေါင်းရင်းမြစ်များ

2 Samuwɛli 11:2

Lunyɛ do wura dɛ fɛ, Mansa Dawuda ya a lasɔ kinɔgɔ rɔ. A tara sɔ ala san-bɔn kuma. A ye nyɔ tumɛ min, a ya musi do yen, a ye a kula. Musi wo kin dɔgɔma-ma-de!

Yobu 31:1

N bara lanyiri kiri nun ko n yɛ kana bɔ sunkurɔn la.

Yaburi 119:25

N bi n masɔrɔkɔnna gbangban rɔ nɔlɛ bolo. I yandi, n niyi lasɛgi n ma tun iko i wara n yili-madiya nya min nun.

Yaburi 119:40

Ila tɔnnu-bira-sɔgɛ ye n na gben gben! Ni-kurɛ keni n ye bawo telenbagɛ le i la.

Yaburi 71:20

I ya tɔrɔyɛ anubɛ dumɛ lana n ma, hali wo, i si na n sɛnbɛ kuraya. I si a ma, n ti yigi kanbɛ rɔ tun.

Hɛnkilimaya-Kumɛnu 23:5

Ni i ya wo ma, ila wodi si gban i bole tɔ iko kokɛ si gban nya min ka ta a ye pon!

Hɛnkilimaya-Kumɛnu 4:25

I yɛ sɔ telenbagaya-kilɛ la ka to a mafɛlɛnna sin!

Aiseya 33:15

Kɔnɔ ni wole tora ko-telennɛ mala ka tonyɛ fɔ, wo si to wo niyi la wo rɔ. Wo kana wo raya ka bolo-kolɔnnu bolo labira, ni wo ma, ka dogonta-fan bira mɔgɛnu bolo. A karagbɛlɛ wo, a mɔgɔ-fagala wo, wo kana kofu wonu ma.

Yilan-Yilan Koe 15:39

Wo wa a bunsan kɛnu yen tumɛ min, wo si wo miri Marila tɔnnu ma ka anu bira. Wo si a ma, wo ti wo nyɛrɛ sako kɛ ka wo kan-kɔ sɔ a la.

Matiyu 5:28

Kɔnɔ kaka, n bi a fɔla wo ye ko min ba musi mafɛlɛn ha a sɔgɛ ni a bira ko a ni a masɔrɔn, wo mɔgɛ ara ban yɛlɛnyɛ kɛla a yisi rɔ.

Yasowa 7:21

N ya Babilɔn duruku-kinyanɛ do yen Yɛrikɔ soe burɔ anubɛ wodi-gbɛ anubɛ sɛnɛ-gbu kelen. Wonu sɔgɛ ya n bira, woletɔ n ya anu bi. I si anu taran nna fani-bɔn la, a sanɛ dugu kɔrɔ. Duruki anubɛ sɛnɛ, wo sanɛ wodi-gbɛ kuma.”

1 Yɔni 2:16

Fɛrɛ-bɔnku-nata wo, mɔgɛnu yɛ si bɔ min na wo, min sɔgɛ si mɔgɛ bira wo, anubɛ fenfen min bi duninya kɛ rɔ, kɛ fenfen ma bɔ ma Fa Alla bolo. Mɔgɛnu wasinɛ wonuna ko la. Duninyatɛ le kɛ bɛɛ la.