Yaburi 119:34 - ALLALA KUMƐ

³⁴ Ita sereyanu-kɔrɔ-bɛrɛbɛrɛ rakaran n ye. N ti a kelen bɛrɛn boloka. N si a bɛɛ lamara n yisi rɔ.

Yaburi 119:34 ပူးပေါင်းရင်းမြစ်များ

1 Ko-Kɔrɔta-Karan 22:12

Alamɛ ita Mari Alla ya lɔnnɛ anubɛ hɛnkili di ile ma woletɔ i tenbi Isirɛla nyamanɛ kun na, i si ata tɔnnu bira.

Yobu 28:28

Alla ya a fɔ hadama-dan ye ko, “Ni mɔgɛ ko a ni hɛnkilimayɛ sɔrɔn, fɔ a ni nde a tigi fɔlɔn gbiliya. Ni a sɔgɛ ye a la ka ko-kɔrɛ lɔn, fɔ a ni fara ko-yogoma-kɛ la.”

Yaburi 111:10

Hɛnkilimayɛ dabirɛ le Mari gbiliyɛ la. Min bɛɛsi ye Marita sereyanu birala, a si ko-kɔrɔ-lɔn di wonu ma. Ma ni to a matɔgɔla burubukai!

Yaburi 119:10

N si ita tɔnnu bira n yisi bɛɛ la. N masɛgi ita tɔn-birabɛlitayɛ la.

Yaburi 119:100

Nta lɔnnɛ da ra ara koloya kɛmɔgɛnutɛ ko bawo n hɛnkili banbannɛ ita tɔnnu ma.

Yaburi 119:104

Ita karan ya a ma, n ya ko lɔn. Ko-yogomɛ bɛɛ gbo n ye tɛrr!

Yaburi 119:125

Ita wɔli-kɛlɛ le nde la. Ko-kɔrɔ-lɔn di n ma woletɔ n si ita karan nya-yen.

Yaburi 119:130

Ita kumɛnu sanɛ gbɛ le ma n ye. Wo le wara waan raka n ma. A si hɛnkilimayɛ di ko nya-yenbɛlɛ ma.

Yaburi 119:144

Ila karan bɛɛ latelennɛ le! Hɛnkilimayɛ di n ma woletɔ n si to n niyi la.

Yaburi 119:169

Mari, i wɔlɔ matɔlɔ n di-kɛ-kan la. I ni ko-kɔrɔ-lɔn-hɛnkili di n ma iko i wara n yili-madiya nya min.

Yaburi 119:2

Duwa-dan le wo tigi la min bi bilala Marita sereyanu fɛ anubɛ min bi ale nyinina a yisi bɛɛ la.

Yaburi 119:58

N bara i manyinika n yisi bɛɛ la ko i ni kinikini n ma iko i wara lanyiri kiri n ye nya min.

Yaburi 119:66

N karan hɛnkili anubɛ ko-kɔrɔ-lɔn la bawo n lara ita tɔnnu na.

Yaburi 119:69

Mɔgɔ-wasinɛnu bi n dan tinyana ka n kumakiri foninyɛ la kɔnɔ n bi ita karan birala n yisi bɛɛ la.

Yaburi 119:73

Ile le ya n dan i bole la. I ni ila sereyanu-kɔrɔ-lɔn-hɛnkili di n ma woletɔ n si ita tɔnnu karan.

Yaburi 39:2

Hali ko-nyimɛ wara-koe rɔ, n ma fenfen fɔ. N ya a sigi-a-la yen! Kɔnɔ hali wo, nna tɔrɔyɛ kuma-sara.

Matiyu 5:19

Woletɔ hali tɔn dɔgɔmanɛ, ni min ba a ban wo bira-koe ma ka donu karan wo ma fanan, Alla min bi Arinyɛni tɔ, wo tigi si ma mɔgɔ-dɔgɔmanɛ la ata mansayɛ rɔ. Kɔnɔ ni min si tɔn bira ka donu karan a bira-koe ma, wo tigi si ma mɔgɔ-ba la Allala mansayɛ rɔ.

Matiyu 7:24

“Nba, mɔgɛ min bɛɛ ye nna kumɛ kɛ lamɔɛnna ka a bira, wo si ma iko kei-hɛnkilimɛ min ya ala bɔn sɔ fara-kole kuma.

Yɔni 7:17

N bi mɔgɛnu karanna min na, ni minnu bi a fɛ ka Allala diyana-koe kɛ, wo tigi si a lɔn ni Allatɛ le, ni wo ma, ni n bi kumala n nyɛrɛta miriya rɔ.

Tɔn-Fɔɛ-Fila-Nyɔgɛ 4:6

Ni wo ya tɔn kɛnu bira, wo si a yira sibolo-gbɛrɛnu na ko hɛnkilimɛ le wole la. Anu ba wola tɔn kɛnu wara-koe lamɔɛn, fɔ anu ba a fɔ ko, ‘Mɔgɛ kɛnu kusan ko ladanna, anu hɛnkili kolo.’ ”

Yemesi 1:25

Kɔnɔ Allala tɔn-kanbalinɛ min si mɔgɔ hɔrɔya, mɔgɛ ni to wo mafɛlɛnna. Mɔgɔ-wo-mɔgɔ wa a yigi sa a rɔ, ado a ma a tole masɔ dɔrɔn ka a yili bɔ kumɛ wonu ko, Allatala ye nyinina min ma, a ye wo bɛɛsi mala. Wo tigi wa a bole bila ko-wo-ko rɔ, Alla si a lasabati.

Yemesi 1:5

Ni min hɛnkili dasanɛ, wo tigi ni Alla matara. A si hɛnkili di a ma bawo Alla le si mɔgɛ kɔ foninsereyɛ la. A si sewa wo tigi la, ado a ti mɔgɔ lafɛya.

Yemesi 4:11

N na-kelen-nyɔgɛnu, wo kana wo nyɔgɔn mapandin ha ka wo nyɔgɔn yiliki. Ni wo ya wo ma, wo ye Alla leta tɔn mapandinna ka a yiliki. Ka a fɔ i si ke a fɔla ko, “Tɔn kɛ bɛnta, tɔn kɛ ma bɛn,” wo kiti-tɛgɛla ma ile la, ado ita wɔlɛ ye min na, wo le, ka tɔn wonu bira wo bolo filɛ la.