Yaburi 119:2 - ALLALA KUMƐ

² Duwa-dan le wo tigi la min bi bilala Marita sereyanu fɛ anubɛ min bi ale nyinina a yisi bɛɛ la.

Yaburi 119:2 ပူးပေါင်းရင်းမြစ်များ

1 Mansɛnu 2:3

Ita Mari Alla ya tɔn minnu di Nɛbi Musa ma, i ni wonubɛ ata kumɛ bɛɛsi bira, woletɔ i wara-koe si sabati.

1 Ko-Kɔrɔta-Karan 22:19

Wo ni wota Mari Allata wɔlɛ kɛ wo yisi bɛɛ la. Wo ni Bato-Bon-sɔɛ dabira. Wo wa wo laban tumɛ min, wo si Marita tɔn-kenkirɛ anubɛ fen-sɛnima-toenu nadon a burɔ wo ye a batola minnu na.”

2 Ko-Kɔrɔta-Karan 31:21

A wara-koe tara yarɔ bawo a ya min bɛɛsi ma Bato-Bɔn mabɛn-koe rɔ anubɛ ka tɔn bira a kilɛ fɛ, a ya wo bɛɛsi ma a yisi bɛɛ la Alla ye.

Yaburi 105:45

A ya wo ma le alako ala mɔgɛnu ni ala tɔnnu bira ka ala sereya bɛɛ to a gbɛ rɔ. Mari ni tanto!

Yaburi 119:10

N si ita tɔnnu bira n yisi bɛɛ la. N masɛgi ita tɔn-birabɛlitayɛ la.

Yaburi 119:101

N ya n masɛgi ko-yogoma-kɛ bɛɛ la bawo a sɔgɛ ye n na, n ni ita kumɛnu bira.

Yaburi 119:115

Wole ko-yogoma-kɛlɛnu, wo ni wo masɛgi n na. Ndeta Alla ye min fɔla n ye, n bi wo le birala.

Yaburi 119:146

N ya i rakele, n ko, “N nakisi.” Wo si a ma, n si ita sereyanu bira.

Yaburi 119:17

Ila wɔli-kɛlɛ le nde la. Kinikini n ma. Wo le si a ma, n ni to n niyi la ka ila kumɛ bira.

Yaburi 119:22

Mɔgɔ kana n mayɛlɛn ka n tasɛ bawo n bara ita tɔnnu bira.

Yaburi 119:33

Mari, ita tɔnnu kɔrɔ-bɛrɛbɛrɛnu yira n na alako n ni to anu birala burubukai!

Yaburi 119:34

Ita sereyanu-kɔrɔ-bɛrɛbɛrɛ rakaran n ye. N ti a kelen bɛrɛn boloka. N si a bɛɛ lamara n yisi rɔ.

Yaburi 119:57

E, Mari, n bi nyinina i kelen pe le ma. N bara i yili-madiya ila tɔnnu-bira-koe rɔ.

Yaburi 119:69

Mɔgɔ-wasinɛnu bi n dan tinyana ka n kumakiri foninyɛ la kɔnɔ n bi ita karan birala n yisi bɛɛ la.

Yaburi 119:88

Ka a tɛgɛ ila keninteya-dannatɛgɛbɛlɛ ma, nyimaya n ma woletɔ n si ita tɔnnu bira.

Yaburi 25:10

Minnu bi ata sarama-kan birala, a si ala telenbagayɛ anubɛ keninteyɛ yira wonu na.

Hɛnkilimaya-Kumɛnu 23:26

Nna den, i yɛ sɔ n na. I ni i sanka n ma ka n kɛ-nya bi.

Yɛrɛmaya 29:13

A ko wo si to a nyinina, ado wo wa a nyini wo yisi bɛɛ la, wo si a yen.

Isikiyɛli 36:27

N si nta sɛnbɛ di anu ma min si a ma, anu ni nta tɔn bira a kilɛ fɛ, n ya minnu di anu ma nun, kɔni.

Yɔni 14:23

Yisa ya a yabi ko, “Min ba n keni, wo tigi si nna kumɛ bira. N Fa Alla si wo tigi keni. Mabɛ n Fa Alla si na a wara ka to siginɛ a fɛ.

Tɔn-Fɔɛ-Fila-Nyɔgɛ 4:29

Wo wati rɔ, ni wo tora wo yɛ lakalanna wota Mari Alla ma ka a nyini wo yisi bɛɛ la, wo si a yen yati!

Tɔn-Fɔɛ-Fila-Nyɔgɛ 6:17

Wo ni a ma wo fɛrɛma. A ara tɔn min bɛɛsi di wo ma, wo ni ata tɔn wo damasi bira.

Tɔn-Fɔɛ-Fila-Nyɔgɛ 6:5

Wo ni wota Mari Alla keni wo yisi bɛɛ la anubɛ wo sɔndɔmɛ bɛɛ la anubɛ wo sɛnbɛ bɛɛ la.

1 Yɔni 3:20

Hali ma sɔndɔmɛ ya a fɔ ma ye ko ma ma ko-telenni kɛ, ma ya a lɔn ko Alla kolo ma sɔndɔmɛ ko, ado Alla ya koe bɛɛ lɔn.