Yaburi 119:19 - ALLALA KUMƐ

¹⁹ Sundan le nde la dugu-kole kɛ kuma. I yandi, i kana ila tɔnnu dogon n ma.

Yaburi 119:19 ပူးပေါင်းရင်းမြစ်များ

Ko-Dabirɛnu 47:9

Yakoba ya a fɔ mansɛ ye ko, “N bara san kɛmɛ ani san bi-sawa (130) bɔ kɔnɔ hali wo, n ma kɔrɔya wɛ iko n benbanu. Kɔnɔ san kɛ mumɛ bɛɛ mara n tɔrɔya-san le la.”

1 Ko-Kɔrɔta-Karan 29:15

E, Mari, i ya a lɔn ko sundan le ma la duninya kɛ rɔ yan iko ma benbanu bi nya min nun. Saya masangba tina sa ma bolo. Ma ye yan iko ninɛ.

Yobu 39:17

Nde, Mari ma hɛnkili-kɛndɛ di a ma fɔ ka a ma kun-takolɔn la

Yaburi 119:10

N si ita tɔnnu bira n yisi bɛɛ la. N masɛgi ita tɔn-birabɛlitayɛ la.

Yaburi 39:12

Mari, nta madiyali-kan lamɔɛn. I ni i wɔlɔ matɔlɔ n di-kɛ-kan la. N tenbi dila, i ni na n dɛnbɛ. Sundan le nde la i bolo wati-kundu-ni kɔrɔ iko n benbanu bi nya min nun.

Yaburi 39:13

I masɛgi n na alako n ni sewa tun. A ti mɛ tun, n si a fesakɔrɔ ka faga.

Aiseya 63:17

Mari, nfenna i ye a mala, ma ye yilan-yilanna ka bɔ i fɛ? Nfenna i ye a mala, ma tole ye gbɛlɛyala, ma sa i gbiliyala? I yandi, sɛgi ma ma. I halalɛ le male la minnu bi wɔlila i ye buda!

Luka 24:45

A ya anu hɛnkili ya-maka alako anu ni Allata kitabu nya-yen.

Luka 9:45

Kɔnɔ ala karan-dannu ma kɛ kɔrɛ lɔn. Alla ya wo kɔrɛ dogon anu ma, woletɔ anu ma ke a nya-yenna. Anu kilanta fanan ka a manyinika wo kɔrɛ ma.

2 Kɔrɛnti 5:6

Woletɔ ma hɛnkili latɛgɛnɛ dɛɛ! Ma ya a lɔn ko ma tenbi fɛrɛ-bɔnkɛ kɛnu tɔ, ma fɛ-yan Mari la worɔ.

1 Pita 2:11

Nba, n diyana-mɔgɛnu, sundan anubɛ kɛlɛ-kɔrɔ-maburilɛ ye wole min na duninya kɛ rɔ, n bi wo madiyala ko fɛrɛ-bɔnku-nata min bi mɔgɔ niyi kɛlɛla tuma-wo-tuma, wo kana sɔn wo ni wo nɔ.