Yaburi 119:142 - ALLALA KUMƐ

¹⁴² Ila telenbagayɛ si to burubukai! Tonyɛ le ila tɔn la dɛɛ!

Yaburi 119:142 ပူးပေါင်းရင်းမြစ်များ

Yaburi 119:144

Ila karan bɛɛ latelennɛ le! Hɛnkilimayɛ di n ma woletɔ n si to n niyi la.

Yaburi 119:151

Kɔnɔ ile Mari gbɛrɛnnɛ n ma. Ita tɔn fenfen ti ban.

Yaburi 119:160

Ila tɔn-kole ma fenfen na fɔ tonyɛ. I ye kiti sala telenbagayɛ min na, wo ti ban!

Yaburi 19:9

A kin ka Mari gbiliya. Wo le si to a la burubukai! Mari si kiti tɛgɛ a kila-bɛrɛbɛrɛ fɛ. Ala kiti-tɛgɛnɛnu natelennɛ tumɛ bɛɛ.

Yaburi 36:6

Ila telenbagayɛ yan iko kɔnkɔ-layan-bɛnu. Ni mɔgɛ si kɔgɔ-yi-dumɛ kɔrɛ lɔn, mani, mɔgɛ si ile Marita kiti-tɛgɛ-nya lɔn. Hadama-dannu anubɛ sogenu namaranɛ ile Mari le bolo.

Aiseya 51:6

Wo ni san-kole anubɛ dugu-kole mafɛlɛn. Anu si na tunu yen, iko ta-sisi. Dugu-kole la si murun iko kura-kore. Mɔgɛnu si to yalanna ale dugu-kole ma ka faga iko sisɛnu. Kɔnɔ Marila kunka-koe si to a la habadan! Ala nɔlɛ si ma ko-laban la.

Aiseya 51:8

bawo wonu bara-koe ye nala kala-a-la iko kisinu ba kurɛ dɔn. Kɔnɔ a ko ata lakisi-koe si to nyɔ habadan! Ata nimayɛ si to nyɔ burubukai!

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Yɔni 17:17

Anu dantɛgɛnɛ i ma ka a tɛgɛ ila kumɛ ma min bi tonyɛ la.

Ɛfɛsa 4:21

Wo ya a wara-koe lamɔɛn tumɛ min ka ma aletɛ la, wo ya ata tonyɛ le karan, wo ma?