14 Ka ita tɔnnu bira, wo di n ye nɔnfulu-wa-sɔrɔn ko.
Alla wa ko-wo-ko fɔ n ye, n bi wo le mala. Nde sako ma de!
N si Mari tanto! Mɔgɔ-sewanɛ le wo tigi la min bi Mari gbiliyala ka ata tɔnnu bira sewɛ la.
N halalɛ le ila tɔnnu na tolon! N ni-radiya-fan le anu denu na.
Ita tɔnnu di n ye kosɛbɛ! A di n ye sɛnɛ-bɛrɛ ko.
N sewanɛ dɔgɔma-ma-de ka a tɛgɛ ila yili-madiyɛ ma iko mɔgɛ min bi tɛrɛnala nɔnfuli la.
Ita tɔnnu-birɛ si a diya don n tɔ bawo anu di n ye.
I ya tɔn minnu di n ma, wo fisa n ye sɛnɛ anubɛ wodi-wa-yirika ko.
Kinikini n ma alako n ni to n niyi la bawo ila tɔnnu ya n niyi radiya.
I kumara n ye tumɛ min, n ya n tole masɔ a kin na! Ila kumɛ ara a diya don n tɔ. N sewanɛ bawo mɔgɛnu bi n kelela ko ile Mari Sɛnbɛ-Bɛɛ-Tigita mɔgɛ.
Yisa ko, “Alla min bi Arinyɛni tɔ, ata mansayɛ mani de iko nɔnfuli min dogonnɛ gbɛkole do rɔ. Kei do ya a yen ka a yamatogon tun. A sewara kati! A tara a bolo-fan bɛɛ feri. Wo kɔma, a sɛgira ka gbɛkole wo san.”
