Yaburi 119:136 - ALLALA KUMƐ

¹³⁶ N ya-yi ye yigila iko bɛ bawo mɔgɛnu sa sɔnna ita tɔnnu bira-koe ma.

Yaburi 119:136 ပူးပေါင်းရင်းမြစ်များ

Ɛsira 10:1

Nde, Ɛsira ye mataralɛ anubɛ diyi-kɛ kun na ka n sɔ mɔgɛ wonuna hakɛ la tumɛ min Bato-Bɔn don-dɛ la, Isirɛla mɔgɔ-siyaman nara a kinki nyɔ la, kei wo, musu wo, dennɛ wo. Wonu fanan donta diyi-kɛ rɔ anu sɛbɛ-kuna-wɛ la.

Yaburi 119:158

N ya n yɛ sɔ yanfantenu na min kɛ, tɛ sigira n sɔn la bawo anu sa ila tɔnnu birala.

Yaburi 119:53

N ba karagbɛlɛnu yen ila tɔnnu tinyana. Wo si ma n bolo yisi-bɔɛ la.

Yɛrɛmaya 13:17

Ni wo ma ale Mari kan bira, n si to dila n yisi rɔ wola wasinteyɛla ko la. N si di biribiri! N ya-yi si n ya-denkɛ lafa bawo wole, Marita mɔgɛnu si taran biralɛ rɔ.

Yɛrɛmaya 14:17

Mari ko nde, Yɛrɛmaya ni kɛ fɔ wole, Yuda kɛnu ye. Alamɛ n ya-denkɛ lafara n ya-yi la. N si to dila su-ni-tele. N si di wole, nna mɔgɛnuna ko la. Mari ara ban wo rafɛrɛnna nun. Wo matanbanta kosɛbɛ!

Yɛrɛmaya 9:1

Alamɛ n kunyɛ mara iko tenke woletɔ n ya-denkɛ ra ti gbala. Ka a tɛgɛ nna mɔgɛnuna sayɛ ma, n bi diyi le kun na su-ni-tele.

Yɛrɛmaya 9:18

Wonu burumatoe ni na tiriya ka diyi-kɛ dabira anu sɛbɛ-kuna-wɛ la. Wo si a ma, wo ya-yi ni wo ya-denkɛ lafa. Wo ya-yi si yigi iko bɛ.

Isikiyɛli 9:4

“Yerusalɛm soe mumɛ ratagama. Ni i ya min yisi-tɔrɔnɛ yen a ma soe kɛ burɔ ko-yogomɛnuna ko la, i ni tamasere sa wo tigi telɛ ma.”

Luka 19:41

Yisa gbɛrɛnta Yerusalɛm soe ma tumɛ min, a ya a yen nkɛkuna, a dira ala ko la.

1 Samuwɛli 15:11

“Sɔli kɛ mɛ n bolo mansɛ la, n bara nimisa ala ko la bawo a ara a kan-kɔ sɔ n na ka nna kumɛnu tinya.” Samuwɛli yisi kɔrɔtɔra a ma ha a kira Mari madiyala.