Yaburi 119:128 - ALLALA KUMƐ

¹²⁸ Ita sereya bɛɛ biranɛ n bolo. Ko-korɔn bɛɛ gbo n ye.

Yaburi 119:128 ပူးပေါင်းရင်းမြစ်များ

Yobu 33:27

A si sɔ nyama tɛma, a ni a fɔ ko, “N bara hakɛ kɛ.” A ni a fɔ ko, “N ma ko-nyima ma kɔnɔ Alla ara n nakanan.

Yaburi 119:104

Ita karan ya a ma, n ya ko lɔn. Ko-yogomɛ bɛɛ gbo n ye tɛrr!

Yaburi 119:118

Ile ara i ban wonu na minnu bi ila sereyanu tinyana. Yanfante-kɔrɛ kɛnu bi yanfɛ min tabɛnna, fufafuyi le wonu na.

Yaburi 119:172

N si ita tɔnnu sigi sa bawo ila sereyanu natelennɛ.

Yaburi 119:6

Ni n hɛnkili tora ila tɔnnu ko, n ti yarabi.

Yaburi 18:22

N ma Marita sereya-fenfen bɔ a gbɛ rɔ, ado n ma ala tɔn tinya bɛ.

Hɛnkilimaya-Kumɛnu 30:5

“Allata kumɛ bɛɛsi sɛninyani de! Fɛɛ sa anu na. A si ma tanka iko nɛgɛ-walan si kɛlɛ-kurugbɛ latanka nya min.

Romu 7:12

Tɔn-kitabu nyɛrɛ sɛnima, a telenta, a kin.

Romu 7:14

Ma ya a lɔn ko Alla le ya tɔn-kitabu di n ma kɔnɔ mɔgɔni-gbuyi le nde la. A manɛ iko n bi yɔɔnyɛ la hakɛ bolo.

Romu 7:16

N sa a fɛ ka min ma, n ba wo ma tumɛ min, wo si a yira ko n bara sɔn ko Allata tɔn-kitabu telenta.

Romu 7:22

ado n sewanɛ n yisi rɔ ka a tɛgɛ Allala tɔn wara-koe ma.

Tɔn-Fɔɛ-Fila-Nyɔgɛ 4:8

Hali sibolo-gbɛrɛkɛ-mɔgɛnu siyayara ka tenbi ma la kɔnɔ tɔn sa anu bolo minnu natelennɛ iko n bara wo karan min na kɛ la bi.