127 Ita tɔnnu di n ye kosɛbɛ! A di n ye sɛnɛ-bɛrɛ ko.
Ka ita tɔnnu bira, wo di n ye nɔnfulu-wa-sɔrɔn ko.
Ita tɔnnu-birɛ si a diya don n tɔ bawo anu di n ye.
I ya tɔn minnu di n ma, wo fisa n ye sɛnɛ anubɛ wodi-wa-yirika ko.
A fisa sɛnɛ-bɛrɛbɛrɛ ko. Hali li-kuran, a di wo ko.
Yanni i ni sɛnɛ-siyamɛ sɔrɔn, a fisa, i ni hɛnkili sɔrɔn. Yanni i ni wodi-gbɛ-siyaman sɔrɔn, a fisa, i ni lɔnnɛ sɔrɔn.
Nde hɛnkilimayɛ tenbira dugu-kɔrɔ-nɔnfuli la. I ye fan min nyinina duninya-latɛgɛ kɛ rɔ, nde tenbira wo dama la tɛrr!
Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.
