Yaburi 119:125 - ALLALA KUMƐ

¹²⁵ Ita wɔli-kɛlɛ le nde la. Ko-kɔrɔ-lɔn di n ma woletɔ n si ita karan nya-yen.

Yaburi 119:125 ပူးပေါင်းရင်းမြစ်များ

Yaburi 116:16

E, Mari, ita wɔli-kɛlɛ le nde la. N wɔlita i ye iko n na wɔlita i ye nya min. I wara n nakanan sayɛ ma.

Yaburi 119:11

N ya ita kumɛ lamara n yisi rɔ alako n kana hakɛ kɛ i la.

Yaburi 119:29

N masɛgi ko-yogoma-kɛ la feu! N karan ita tɔnnu na i kɛ-nya-nyimɛla ko la.

Yaburi 119:34

Ita sereyanu-kɔrɔ-bɛrɛbɛrɛ rakaran n ye. N ti a kelen bɛrɛn boloka. N si a bɛɛ lamara n yisi rɔ.

Yaburi 119:66

N karan hɛnkili anubɛ ko-kɔrɔ-lɔn la bawo n lara ita tɔnnu na.

Yaburi 119:94

I halalɛ le nde la. N nakisi! N bara n taya ila tɔnnu lɔn-koe rɔ.

Yaburi 86:16

I ya-lamunun n na ka kinikini n ma. Sɛnbɛ di n ma ka n nakisi bawo nde ye wɔlila i ye iko n na wɔlita i ye nya min nun.

Hɛnkilimaya-Kumɛnu 14:8

Nfenna hɛnkilimɛ bolo la ti bira? Bawo yanni a ni ko-wo-ko ma, fɔ a wa a miri fɔlɔn. Nfenna kuntan si yuwaya-koe ladan? Bawo a ye ko-wo-ko ladanna, a ya a lɔn ko a ye tonyɛ le tɔ kɔnɔ wo fɛ-yan a la.

Hɛnkilimaya-Kumɛnu 9:10

Hɛnkilima-tigiyɛ dabira-fɔlɛ le ka kilan Mari la. Ni i ya ale Sɛnima-Tigi lɔn, i si ko nya-yen.

Romu 6:22

Kɔnɔ kaka, wo ara hɔrɔya hakɛ ma ka ma Allala yɔɔnnu na. Woletɔ wo si tɔnɛ min sɔrɔn, wo le sɛninyɛ la Alla ye, ado tɔ-a-la, wo si habadan-nimayɛ sɔrɔn.

2 Timoti 2:7

N bi min fɔla, i miri wo ma bawo Mari si i dɛnbɛn ka koe bɛɛ nya-yen.

Yemesi 1:5

Ni min hɛnkili dasanɛ, wo tigi ni Alla matara. A si hɛnkili di a ma bawo Alla le si mɔgɛ kɔ foninsereyɛ la. A si sewa wo tigi la, ado a ti mɔgɔ lafɛya.