Yaburi 119:124 - ALLALA KUMƐ

¹²⁴ To n fɛ iko ila keninteya-dannatɛgɛbɛlɛ ye nya min. N karan ita sereyanu na.

Yaburi 119:124 ပူးပေါင်းရင်းမြစ်များ

Nihɛmaya 9:20

I ya i nyɛrɛta ni-bɛrɛ di anu ma alako wo ni anu karan. I ya anu de-nyini ita biredi la ka yi fanan di anu ma.

Yaburi 103:10

A ti to ma tɔrɔla iko a bɛnta, ma ni tɔrɔyɛ sɔrɔn nya min. A ti ma sara boloko-yogomɛ-kɛ iko ma hakɛ anubɛ mala ko-yogoma-kɛ ye nya min.

Yaburi 119:12

E, Mari, n si i matɔgɔ! N nabila i kɛ-nyanu na.

Yaburi 119:132

I tintan n na. I ni kinikini n ma iko i ya a ma i diyana-mɔgɛnu ye nya min.

Yaburi 119:26

N ban n nyɛrɛ fɛɛ-koe-bɛɛ rakaranna, i ya n denkun nna madiyalɛ rɔ. N karan i wara-koe ma.

Yaburi 119:41

Mari, n di i ye nya min, wo yira n na. N nakanan iko i wara n yili-madiya nya min.

Yaburi 119:88

Ka a tɛgɛ ila keninteya-dannatɛgɛbɛlɛ ma, nyimaya n ma woletɔ n si ita tɔnnu bira.

Yaburi 130:7

Isirɛla mɔgɛnu, wo ni la Mari la gben! Bawo ala keninteyɛ ti wo baya, ado tumɛ bɛɛ, a rabɛnnɛ wo kisi-koe la.

Yaburi 31:20

I ye anu dogonna i warɛ, karagbɛlɛnu miriya ti ke anu ma kan min. Anu tenbi nyɔ, i si anu tanka anu fɛɛ-donnɛnu masibɛ ma.

Yaburi 51:1

E, Alla, i yandi, kinikini n ma ka a tɛgɛ ita hinɛ ma. N hakɛ firan n ma ka a tɛgɛ ita kinikinɛla ko ma.

Yaburi 69:13

Kɔnɔ wo bɛɛ rɔ, n Mari, n bi ile le madiyala. E, Alla, n yabi a tumɛ rɔ. I ni n yabi ka a tɛgɛ ila hinɛ ma bawo i ye ila lanyiri latɔnbagayala ka mɔgɛ kisi.

Yaburi 69:16

E, Mari, n yabi a nyimɛ la ila keninteya-dannatɛgɛbɛlɛ rɔ. I ya-lamunun n na ka a tɛgɛ ila kinikini-wɛ ma.

Yaburi 79:8

I kana ma bira ma benbanu hakɛ yili la. Kinikini ma ma ka! Ma yigi ara tɛgɛ gbati!

Daniyɛli 9:18

E, Alla, i wɔlɔ matɔlɔ ma la. I ni i kolan maka, i ni a yen ma tɔrɔyanɛ nya min. I ni a yen fanan ko i tɔgɛ sanɛ soe min kuma, wo ye tɔrɔya-sufa min tɔ. Ka a fɔ ma telennɛ, woletɔ ma ye i matarala, wo ma de! Ma ye i matarala bawo ila kinikinɛ kolo ma wara la.

Luka 18:13

“Kɔnɔ duti-makelelɛ wo ya a masɛgi a la. A ma sɔn hali ka a yɛ layɛlɛ san ma fɔ ka a kɔgɔ-dɛ matugu. A ko, ‘E, Alla, kinikini nde hakɛ-tigi ma!’