Yaburi 119:118 - ALLALA KUMƐ

¹¹⁸ Ile ara i ban wonu na minnu bi ila sereyanu tinyana. Yanfante-kɔrɛ kɛnu bi yanfɛ min tabɛnna, fufafuyi le wonu na.

Yaburi 119:118 ပူးပေါင်းရင်းမြစ်များ

Yaburi 119:10

N si ita tɔnnu bira n yisi bɛɛ la. N masɛgi ita tɔn-birabɛlitayɛ la.

Yaburi 119:21

I ye wasintenu makumala tolon! Minnu bi ita sereyanu masangbala, wonu bi dankɛ kɔrɔ.

Yaburi 119:29

N masɛgi ko-yogoma-kɛ la feu! N karan ita tɔnnu na i kɛ-nya-nyimɛla ko la.

Yaburi 78:57

Anu mara telenbɛlɛnu anubɛ murutinu na iko anu fanu. Ni mɔgɛ si la kalabɛn-tadunɛ la, mani mɔgɛ si la mɔgɛ kɛnu na.

Yaburi 95:10

Mari ko san bi-nani dɛgɛdɛgɛ, a kɔrɔtɔnɛ anu ma. A ko kan-kelen-tigi ma anu na. Anu ma sɔn ata kumɛ birala mumɛ!

Hɛnkilimaya-Kumɛnu 12:20

Minnu miriya bɛnnɛ ko-yogomɛ ma, yanfante le wonu na kɔnɔ mɔgɛ min bi yisi-kimɛ lanala mɔgɛnu tɛma, wonu si sewa.

Aiseya 25:10

Mari si ata kɔnkɔ-sɛnimɛ lakanan kɔnɔ Mohabu kɛnu ta si tɛntɛn iko binyɛ anubɛ ninki-nyɛ yabasannɛ ninki kɔrɔ nya min.

Aiseya 44:20

Hɛnkilimaya-sufa kɛ mani de iko mɔgɛ tenbi ta-gbangban muganna. Ala kun-takolon-miriya wo mani de iko mɔgɛ tenbi donna gbofɛ la. Dɛnbɛni-wo-dɛnbɛni sa a bolo tun. A ti ke a fɔla ko bɛsɛ min bi a bolo kɛ la, Alla ma.

Aiseya 63:3

Mari ko ale le kelen pe ya sibole wonu tatɛn iko nɔnbɔ-gbɔɛ. A ko sibolo-wo-sibolo ma a dɛnbɛ anu tatɛntɛnna. Ata fondo-bɔ-belebele le ya a ma, a ya anu nunku a tontɛ la. A ko ala duruki ara wulen mɔgɔ kɛnu yele-kuran la.

Malakayi 4:3

Wo tele wa ke, ale Alla wa a lawuli, a ko wo si wo yogenu nɔ ka anu tatɛrɛgbɛn wo kian kɔrɔ iko gbangban.

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

Ɛfɛsa 4:22

Woletɔ wo ye tagamana wo kɛ-nya-kɔrɛ min tɔ nun, wo ni wo boloka. Kɛ-nya-kɔrɛ wo ya miriya-yogomɛnu don wo yisi rɔ min ya wo lasama kilɛ ma.

Ɛfɛsa 5:6

Wo kana sɔn, mɔgɔ ni wo bolo labira kun-takolonya-kumɛnu na. Allata diminyɛ si na wonu denu kuma minnu ti sɔn ata kumɛ birala.

2 Timoti 3:13

Kɔnɔ mɔgɔ-yogomɛnu anubɛ yanfantenu si to yogoyala dɛɛ ha anu ni donu yanfa, ado anu bara anu nyɛrɛ fɔlɔn yanfa.

1 Yɔni 2:21

Ka a fɔ ko n bi kɛdi sɛbɛla wo ma bawo wo ma tonyɛ lɔn, wo ma de! N bi wo mala le bawo wo ya tonyɛ lɔn, ado wo ya a lɔn fanan ko foninyɛ ti bɔ tonyɛ rɔ muk!

Lankɛnimayɛ 14:20

Anu ya nɔnbɔ-gbɔɛ radɔn soe kɔma. Yele bɔra nɔnbɔ-gbɔɛ radɔn tinɛ wo rɔ. A fara ka yɛlɛ iko bɛ. Ala yanyɛ si mɛli kɛmɛ fila bɔ. A rayanyɛ si nunkan-nya nani bɔ.

Lankɛnimayɛ 18:23

Hali lɛnpu-waan fenfen ti yen a rɔ tun. Kɔɛn-kura-tolon ti kɛ ale soe wo burɔ tun. Sɛnbɛ ye ala yilanu bolo duninya kan tinɛ bɛɛ rɔ nun, ado a ya duninya-mɔgɛ bɛɛ yanfa ala foninya-duriyɛ la!”