Yaburi 119:108 - ALLALA KUMƐ

¹⁰⁸ E, Mari, i yandi, sɔn nna baraka-bira-madiyalɛ la. I ni n karan ita tɔnnu ma.

Yaburi 119:108 ပူးပေါင်းရင်းမြစ်များ

2 Ko-Kɔrɔta-Karan 31:14

Anu bi kɔ-fen minnu dila Mari ma, Iminala dan min tɔgɛ Kɔri, wo mara wonu namaralɛ anubɛ a bɔlɛ la. A fa Imina le Bato-Bɔn da-makandannɛnu kun na don-dɛ la min tɔgɛ le ko “Tele-Bɔɛ Don-Dɛ.” Lifayi le anu na.

Yaburi 119:12

E, Mari, n si i matɔgɔ! N nabila i kɛ-nyanu na.

Yaburi 119:130

Ita kumɛnu sanɛ gbɛ le ma n ye. Wo le wara waan raka n ma. A si hɛnkilimayɛ di ko nya-yenbɛlɛ ma.

Yaburi 119:169

Mari, i wɔlɔ matɔlɔ n di-kɛ-kan la. I ni ko-kɔrɔ-lɔn-hɛnkili di n ma iko i wara n yili-madiya nya min.

Yaburi 119:26

N ban n nyɛrɛ fɛɛ-koe-bɛɛ rakaranna, i ya n denkun nna madiyalɛ rɔ. N karan i wara-koe ma.

Yaburi 27:6

N yoge min bɛɛsi ye nna foolɛ rɔ, n si nɔ-ko sɔrɔn wonu ma. N ba sarakɛ bɔ Mari Bato-Bɔn la tumɛ min, n sewanɛ si n kuli mayɛlɛ. N si Mari-tanto-sigi sa.

Hoseya 14:2

Wo sɛgi Mari ma. Wo ni matarali-su-kɛ kɛ ko, “Ma makoto ma hakɛ la ka mala matarali-kan labira. Wo kɔma, ma si i matɔgɔ iko ma ara lanyiri kiri i ye nya min.”

Yilan-Yilan Koe 29:39

“Sarakɛ minnu bi bɔla san-bo-san, wonuta tɔn le kɛnu na. Wo kana nyina fanan ka kɔ-fannu di wo hɛnikɛ la anubɛ wo si kɔ-fan min di Mari ma lanyiri wa kanbali wati min.”

Hiburunu 13:15

Nba, ma ye Alla matɔgɔla tuma-wo-tuma min kɛ, ma wa sɔn ata Mariyɛ ma tumɛ min, wo ye sarakayɛ le la Alla ye Yisa baraka rɔ.