Yaburi 119:104 - ALLALA KUMƐ

¹⁰⁴ Ita karan ya a ma, n ya ko lɔn. Ko-yogomɛ bɛɛ gbo n ye tɛrr!

Yaburi 119:104 ပူးပေါင်းရင်းမြစ်များ

Yobu 32:9

Ka a fɔ kinayɛ si hɛnkilimayɛ di mɔgɛ ma ka ko-latelennɛ lɔn, wo dɔrɔn ma de!

Yaburi 101:3

Ka ko-yogomɛ-mafɛlɛn, wo ma di n ye muk! Minnu kan-kɔ sɔnɛ ile Alla la, wonu kɛ-nya gbo n ye kosɛbɛ! Ka tenbi wo la, nta sa anu bara-koe rɔ.

Yaburi 119:100

Nta lɔnnɛ da ra ara koloya kɛmɔgɛnutɛ ko bawo n hɛnkili banbannɛ ita tɔnnu ma.

Yaburi 119:128

Ita sereya bɛɛ biranɛ n bolo. Ko-korɔn bɛɛ gbo n ye.

Yaburi 119:163

Foninya-sɔgɔ labɔnɛ le n na lass! Kɔnɔ ita tɔnnu di n ye kati!

Yaburi 119:34

Ita sereyanu-kɔrɔ-bɛrɛbɛrɛ rakaran n ye. N ti a kelen bɛrɛn boloka. N si a bɛɛ lamara n yisi rɔ.

Yaburi 119:98

Ita tɔnnu bi n bolo le tele-wo-tele. Wonu si n hɛnkili dɛ laka ka tenbi n yogenu na.

Yaburi 36:4

A tenbi sani, a ye a mirila ko-yogomɛnu-tabɛn-koe ma. A ti ko-wo-ko ladan min kin. A ti a ban ko-yogomɛnu kɛ-koe ma.

Yaburi 97:10

Kɔnɔ n na-kelen-nyɔgɛnu, karagbɛlɛyɛ gbo minnu ye, wonu di Mari ye. A ye ala mɔgɛnu niyi lakananna. A ye anu nakananna karagbɛlɛnu masibɛ ma.

Hɛnkilimaya-Kumɛnu 14:12

Tumado, mɔgɛ donu si a lɔn ko anu bi kila-nyimɛ le fɛ kɔnɔ yaga, kanbarɔ-ta-kilɛ le wo la.

Hɛnkilimaya-Kumɛnu 8:13

Ni i ko i ni Mari gbiliya, fɔ i ni i ban ko-yogomɛ la. Wasinteyɛ anubɛ foninya-fɔɛ anubɛ ko-yogoma-kɛ, wonu ma di nde ye.

Emɔsi 5:15

Koe min yogo, wo ni wo kɔn. Koe min telennɛ, wo ni wo keni. Wo ni wo raya alako ko-latelennɛ ni kɛ kiti tɛgɛ tinɛ. Tumado Isirɛla mɔgɛ toe min tonɛ, mata Mari si kinikini wonu ma.

Matiyu 7:13

“Wo ni don da-dɔgɔmanɛ la bawo kilɛ min bi tala nyahanama rɔ, wo don-dɛ kolo. A tagama-ko ma gbɛlɛ, ado mɔgɔ siyaman bi tala wo le fɛ.

Romu 12:9

I ni keninteyɛ yira mɔgɛnu na i yisi bɛɛ la. Bɛɛ ni ko-yogomɛ kɔn. Min kin, wo ni kiri wo le ma.