Yaburi 118:27 - ALLALA KUMƐ

²⁷ Mari le Alla la. A nyimayanɛ ma ma. Tin-yanbɛnu ni taran wo bolo la ladiyɛ kuma. Wo ni saraka-mintan-tinɛ lafoo tin-yanbɛ ye wo bolo la.

Yaburi 118:27 ပူးပေါင်းရင်းမြစ်များ

1 Mansɛnu 18:21

Isirɛla mɔgɛnu kenɛ nyɔ, Nɛbi Ilaya sɔra mɔgɛnu yakɔrɔ ka a fɔ anu ye ko, “Wo si to tagamana Marita kilɛ anubɛ Beyalita kilɛ fɛ ha muntuma? Ni Mari le Alla la, wo ni ale bato. Kɔnɔ ni wota alla le Beyali kɛ la, wo ni to wo kɔla.” Kɔnɔ hali dafa, Isirɛla mɔgɛnu ma a tɛgɛ.

1 Mansɛnu 18:39

Mɔgɛ wonu ya wo rayen min kɛ, anu ya anu nyɛrɛ gbesi dugu la. Anu bi a fɔla ko, “Mari kelen pe le Alla la. Mari kelen pe le Alla la.”

1 Ko-Kɔrɔta-Karan 29:21

Wo banda kɛ, anu ya saraka-siyaman bɔ Mari ye. Wo kɔma, anu ya saraka-soge wo do di mɔgɛnu ma. Anu ya tura waga kelen bi anubɛ saga-yigi waga kelen anubɛ saga-den waga kelen. Anu ya kɛ dama ma saraka-mintantɛ la. Wo kɔma, anu ya nɔnbɔ-gbɔ-yinu ma kɔ-fan la.

Ɛsita 8:16

Kɛ mara sewa-tele la Yahudiyanu ye bawo anu bara hɛnkili-latɛgɛ sɔrɔn anubɛ lafɛrɛlɛ.

Yaburi 18:28

E, Mari, nta waan le ile la. Ile le si n to gbɛ rɔ ka pinpi gben n fɛ.

Yaburi 37:6

A si a ma, ila telenbagayɛ ni malan iko tele latelan.

Bɔ-Koe-Iyipiti 27:2

Wo ni bolon nanɛ ladan a tonko nanɛ rɔ. Saraka mintan tinɛ anubɛ a bolon nanɛ, wo bɛɛsi la ni dan nya-kun-kelen. Wo ni silɛɛ sa saraka-mintan-tinɛ wo kan tinɛ bɛɛ ma.

Bɔ-Koe-Iyipiti 38:2

A ya saraka-mintan-tinɛ anubɛ a bolon nanɛ wo ladan nya-kun-kelen. A ya silɛɛ sa saraka-mintan-tinɛ wo kan tinɛ bɛɛ ma.

Aiseya 60:1

Ile Yerusalɛm, i lasɔ, i silɛɛ ni tii i ma iko tele. Marita gbiliyɛ ye malanna i kuma.

Aiseya 9:2

Mɔgɛ minnu bi tagamana pinpi-fin-bɛ rɔ nun, wonu bara wan-takana-wɛ yen. Anu siginɛ pinpi-makilanni-bɛ rɔ nun kɔnɔ kaka, tele ara fɛrɛn anu ma.

Maika 7:9

Ma ara hakɛ kɛ Mari la. Fɔ ma ni ma munyu ata diminyɛ kɔrɔ wati-kundu-ni kɔrɔ. Wo wati wa ban, a si ma fɛka ka ma tayili sara ma yogenu na. A si ma labɔ pinpi rɔ ka ma kun nayere.

Malakayi 4:2

Kɔnɔ a ko wole min ya ala kumɛnu bira, wo tele wa ke tumɛ min, ale Marita sɛnbɛ si wo lakisi ka kɛndɛyɛ di wo ma iko kirayatoe wa bɔ tele la. Wonu si to gberenya bɔla iko mɔgɛ wa ninki-dan kan bɔ.

Yɔni 8:12

Yisa kumara Farisinu ye tun ko, “Duninya-waan le nde la. Min ba bila n fɛ, wo si waan sɔrɔn min si niyi di mɔgɛnu ma. A ti tagama pinpi rɔ tun mumɛ!”

Hiburunu 13:15

Nba, ma ye Alla matɔgɔla tuma-wo-tuma min kɛ, ma wa sɔn ata Mariyɛ ma tumɛ min, wo ye sarakayɛ le la Alla ye Yisa baraka rɔ.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ