Yaburi 116:6 - ALLALA KUMƐ

⁶ Min dɛnbɛna sa, Mari si wo lakanan. N bi masibɛ rɔ tumɛ min, a ya n nakisi.

Yaburi 116:6 ပူးပေါင်းရင်းမြစ်များ

Yaburi 106:43

Mari mɛra ala mɔgɛnu nakisila. Kɔnɔ wonu denu sɛgira murutiyala a ma. Anu tununta anu hakɛ rɔ pɔɛ!

Yaburi 142:6

I wɔlɔ matɔlɔ n di-kɛ-kan la n dɛnbɛn-koe rɔ bawo n yigi ara tɛgɛ gbodo! Fɔ i wa n natanka n yogenu ma bawo anu tagbɛlɛ n ko.

Yaburi 19:7

Fɛɛ sa Marita karan la. A si sɛnbɛ-kurɛ di ma ma. Mari wa koe minnu ma-koe fɔ ma ye, sika ti ma bira wonu ma-tinɛ. Ni min bi nyinina hɛnkili ma, Tɔn-birɛ si wo di a ma.

Yaburi 25:21

A ma, nna nyimayɛ anubɛ nna telenbagayɛ ni n namara bawo n yigi sanɛ i kuma.

Yaburi 79:8

I kana ma bira ma benbanu hakɛ yili la. Kinikini ma ma ka! Ma yigi ara tɛgɛ gbati!

Aiseya 35:8

Kila-gbonkan-bɛ si taran nyɔ anu bi min kelela ko, “Allata Sɛninya Kilɛ.” Hakɛ-tigi fenfen ti tenbi nyɔ. Mɔgɔ-nyimɛ minnu bi tagamana kilɛ wo fɛ, kun-takolon wo kun-takolon ti ke wonu kɔndɔfilila.

Matiyu 11:25

Wo wati ya a taran, Yisa ya a fɔ ko, “E, n Fa, san-kole anubɛ dugu-kole Mari! N bi baraka birala i ye bawo i wara koe min dogon hɛnkilimɛnu anubɛ mɔgɔ-karannɛnu ma, i wara wo yira karanbɛlɛnu na.

Romu 16:19

Mɔgɛ bɛɛ ara wola lanaya-koe lamɔɛn kibara-nyimɛla ko la. Woletɔ n sewanɛ wola ko la. N bi a fɛ, wo ni ma hɛnkilimɛnu na ko-nyimɛ warala kɔnɔ wo ni ma mɔgɔ-magbalanɛnu na ko-yogomɛ warala.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

2 Kɔrɛnti 11:3

N kilannɛ ko fenfen kana wo hɛnkili yabasan iko duguma-fan ya ma mama Hawa yanfa ala foninya-wɛ la nya min. Wo kana bɔ wola keninteya-bɛrɛ rɔ min bi wo bolo Kirasiti wara la.

Kɔlɔsi 3:22

Wole yɔɔnnu, wo ni wo tiginuna kumɛ bira koe bɛɛ rɔ. Wo ni wola wɔlɛ kɛ, hali anu ya sa wo la. Wo ni anu hɛnɛ wo yisi bɛɛ la alako Mari ni gbiliyɛ sɔrɔn wo bolo.