Yaburi 116:16 - ALLALA KUMƐ

¹⁶ E, Mari, ita wɔli-kɛlɛ le nde la. N wɔlita i ye iko n na wɔlita i ye nya min. I wara n nakanan sayɛ ma.

Yaburi 116:16 ပူးပေါင်းရင်းမြစ်များ

1 Ko-Kɔrɔta-Karan 17:19

Ile le wara ban kɛ latɛgɛla. I ko fɔ i wa a ma. Kabana-koe minnu bi kɛla n ye yarɔ, i wara wonu yira n na kaka.

Yaburi 119:125

Ita wɔli-kɛlɛ le nde la. Ko-kɔrɔ-lɔn di n ma woletɔ n si ita karan nya-yen.

Yaburi 143:12

N yogenu faga n ye ka a tɛgɛ ila keninteya-wɛla ko ma. N niyi-ragbɛrɛnnɛnu kasara n ye bawo ila wɔli-kɛlɛ le nde la.

Yaburi 86:16

I ya-lamunun n na ka kinikini n ma. Sɛnbɛ di n ma ka n nakisi bawo nde ye wɔlila i ye iko n na wɔlita i ye nya min nun.

Aiseya 61:1

Ma Tigi Mari Allata Sɛnbɛ ye n tɔ bawo a ara nde, Aiseya yabɔ ka kibara-nyimɛ lake mɔgɔ-tɔrɔnɛnu ma. Minnu yisi tinyanɛ, a ya n sɔ ka wonu manugu-nɛgɛ. Minnu bi biralɛ rɔ nyamani-gbɛrɛkɛ rɔ, a ya n sɔ ka wonu boloka-koe fɔ anu ye. Minnu bi yele la, anu si wonu kunyɛ bɔ gbaran rɔ.

Yɔni 12:26

Ni min bi a fɛ ka wɔli n ye, fɔ wo ni bila n fɛ. Woletɔ n bi kan min, nna wɔli-kɛlɛ si taran n fɛ nyɔ. Min ba wɔli n ye, n Fa Alla si gbiliyɛ di wo tigi ma.”

Kɛwɔlɛnu 27:23

N bi Alla min bolo, n bi wo le batola. Wola melika nara n bara su-tenbinɛ.

Romu 6:22

Kɔnɔ kaka, wo ara hɔrɔya hakɛ ma ka ma Allala yɔɔnnu na. Woletɔ wo si tɔnɛ min sɔrɔn, wo le sɛninyɛ la Alla ye, ado tɔ-a-la, wo si habadan-nimayɛ sɔrɔn.

Yemesi 1:1

Alla anubɛ Mari Yisa, Allata-Mɔgɔ-Yabɔnɛla wɔli-kɛlɛ, Yemesi le ye kɛdi kɛ sɛbɛla. N bi Allala mɔgɛ bɛɛ kɔndɔnna minnu nyɛnsɛnnɛ duninya kan tinɛ bɛɛ rɔ.