Yaburi 116:13 - ALLALA KUMƐ

¹³ N si nɔnbɔ-gbɔ-yi ma sarakɛ la Mari ye ka baraka bira a ye n nakanan-koela ko la.

Yaburi 116:13 ပူးပေါင်းရင်းမြစ်များ

Yaburi 105:1

Wo ni baraka bira Mari ye. A ye ko-makawanɛ minnu kɛla, wo ni wonu fɔ sibolo-gbɛrɛnu ye.

Yaburi 116:17

N si na baraka-bira-sarakɛnu na i ye ka i madiya.

Yaburi 116:2

A ya a wɔlɔ matɔlɔ n na min kɛ, n si to a rakelela n siyi-tele-bɛɛ rɔ.

Yaburi 16:5

Ile Mari ye n bolo min kɛ, fan bɛɛ ye n bolo worɔ. N makoe ye fan min bɛɛ la, ile le ye wonu dila n ma. Hali n si fan min bɛɛsi sɔrɔn yarɔ, wo bɛɛ ye ile ma.

Yaburi 80:18

Ma ti ma kan-kɔ sɔ i la tun! I ni ni-kura keni ma ye. Wo si a ma, ma ni to i matɔgɔla tolon!

Aiseya 12:4

Wati ye nala mɔgɛnu si sigi sa ko, “Wo ni baraka bira Mari ye. Wo ni a kele wo dɛnbɛn-koe la. A ara min ma wo ye, wo ni wonu fɔ sibole mumɛ bɛɛ ye tɛrr! Wo ni Alla-makawanɛ wara-koe fɔ anu ye.

Luka 22:20

Kima-dɔn banta tumɛ min, a ya nɔnbɔ-gbɔ-yi do bi tun. A ko, “Nɔnbɔ-gbɔ-yi kɛ le Allata sarama-kan-kurɛ tamasere la min kirinɛ wo ye n yele fɛ. Yele wo bɔnnɛ wole le ye.

1 Kɔrɛnti 10:16

Ma tenbi Marita kima dɔnna chɔchi la, ma si baraka bira Alla ye. Ma wa ma min yi-lafɛ wo la tumɛ min, ma ye ta-nyɔgɔnyɛ le kɛla Kirasiti yele le tɔ wo la. Ma si biredi min takeri fanan, ma wa biredi wo dɔn tumɛ min, ma ye ta-nyɔgɔnyɛ kɛla Kirasiti fɛrɛ-bɔnkɛ le tɔ wo la.

1 Kɔrɛnti 10:21

A ti bɛn wo ni wo min Marita yi-lafɛ la, wo ni ta wo min nyinɛnuta yi-lafɛ la fanan. Wo kana fen-dɔn-kɛ Marita tebulu la, wo wa ban, wo ni ta fen dɔn nyinɛnuta tebulu fanan na.