Yaburi 116:1 - ALLALA KUMƐ

¹ Mari keninɛ n bolo bawo a ye a wɔlɔ matɔlɔla nta madiyali-kan la.

Yaburi 116:1 ပူးပေါင်းရင်းမြစ်များ

Ko-Dabirɛnu 35:2

Yakoba ya a fɔ ala denbayɛnu anubɛ ala wɔli-kɛlɛnu ye ko, “Wo ye bɛsɛ minnu kɔla, wo ni wonu nakɛ a rɔ. Wo ni wo ku ka wo sɛninya. Wo ni wo mayɛlɛma kura-kunɛnu na alako ka a yira ko wo ara wo kan-kɔ sɔ wola bɛsɛnu na.

1 Mansɛnu 9:3

Mari ya a fɔ a ye ko, “N bara ila matarali-kan lamɔɛn. I wara bɔn min sɔ ka a dantɛgɛ n ma, n bara sɔn ka wo ma n halalɛ la. Wo si to n batola nyɔ burubukai! N si a mafɛlɛn ka a kandan habadan!

Yaburi 119:132

I tintan n na. I ni kinikini n ma iko i ya a ma i diyana-mɔgɛnu ye nya min.

Yaburi 28:6

Ma ni Mari tanto wona bawo a ara nna madiyali-kan lamɔɛn n dɛnbɛn-koe rɔ.

Yaburi 40:1

N mɛra n muinna Marita dɛnbɛnɛ makɔnɔna. A ya a wɔlɔ matɔlɔ n di-kɛ-kan la.

Yaburi 69:33

Mari si a wɔlɔ matɔlɔ makolamɛnu na, ado ala mɔgɛ minnu bi yele la, a ti nyina wonu ko.

Aiseya 38:15

N si nfen fɔ gbɛ, bawo Mari le ya kɛ ma? N yisi ma ara gboya, ado kinɔgɛ ti n ya bira.

Nimisa Koe 3:56

N ya i madiya n dɛnbɛn-koe la tumɛ min, i ya a lamɔɛn de, yɔ!

Yona 2:3

I ya n nabui kɔgɔ-yi-dumɛ rɔ ka n nayigi dumɛ kuri la. I tora ila yi latugula n kun na.

Yilan-Yilan Koe 21:3

Mari ya anuna madiyali-kɛ-kan lamɔɛn. A ya anu dɛnbɛ ka Kenan mɔgɛnu nɔ. Anu ya mɔgɛ bɛɛsi faga ka soe wo damasi kasara. Woletɔ anu ya soe wonu tɔgɔ sa “Kasara Tinɛ.”

Maraka 12:33

Woletɔ mɔgɛ ni Alla keni a yisi bɛɛ la, a hɛnkili bɛɛ la, anubɛ a sɛnbɛ bɛɛ la. I ni i sigi-nyɔgɛ keni iko i nyɛrɛ, ado yanni mɔgɛ ni na sogenu na ka anu mintan saraka-bɔ-tinɛ kuma anubɛ ka saraka-gbɛrɛnu di Alla ma, a fisa, mɔgɛ ni tɔn filɛ kɛnu bira.”

Yɔni 16:24

Ha bi, wo ma fenfen tara wɛ n tɔgɔ rɔ. Wo ni tarali kɛ, wo si a sɔrɔn alako wola sewɛ ni wo munanfaga.”

Yɔni 21:17

A kinyama sawa nyɔgɛ, Yisa ya nyinikalɛ kɛ, a ko, “Saimon, Yɔnila dan, n di i ye, wa?” Pita ya a funu bawo Yisa ya a manyinika. A ko, “Mari, i ya koe bɛɛ lɔn, i ya a lɔn ko i keninɛ n bolo.” Yisa ya a fɔ a ye ko, “Nna sagɛnu fɛ-bira.

1 Yɔni 4:19

Ma si ma nyɔgɔn keni bawo Alla fɔlɔn ya male keni.

1 Samuwɛli 1:26

Hana ya a fɔ Ilayi ye ko, “N fa, i ya n lɔn tun? Nde le taranta Mari madiyala yan i dafɛ nun.