Yaburi 115:4 - ALLALA KUMƐ

⁴ Anuta bɛsɛnu nadannɛ sɛnɛ anubɛ wodi-gbɛ le la, ado hadama-dan le ya anu nadan.

Yaburi 115:4 ပူးပေါင်းရင်းမြစ်များ

1 Mansɛnu 18:26

Anu ya tura kelen bi ka wo faga. Anu ya a soge wo sa sɔgɔ-ladɛnnɛ wo kuma. Ka a bi sɔgɔmɛ ma ha tele latelan, anu bi anuna Beyali wo matarala. Anu bi gbele-gbelenna ka a fɔ ko, “Beyali, ma yabi. Beyali, ma yabi.” Anu ya saraka-mintan-tinɛ min nadan, anu tora anu dɔnna wola foolɛ rɔ. Kɔnɔ anu ma yabilɛ mumɛ yen anu yɛ la.

1 Mansɛnu 18:29

Anu tora sɔnkɛ wo kun na ha tele-bui-wati kɔnɔ anu ma ko lamɔɛn hali ka yabilɛ yen anu yɛ la.

2 Mansɛnu 19:18

ka anuna bɛsɛnu mintan, ado ma ya a lɔn ko alla ma wonu na. Kɔlɔma anubɛ kuru-lɛsɛnɛ le wonu na dɔrɔn! Anu nadannɛ hadama-dan bolo la.

2 Ko-Kɔrɔta-Karan 32:19

Anu kumara sibolo-gbɛrɛ-bɛsɛnu ma nya min, anu kumara Yerusalɛmta Alla ma wo nya na le fanan, ado anu denu ya anuta bɛsɛnu nadan anu bole la.

Yaburi 97:7

Min bɛɛ ye bɛsɛnu kɔla, wonu si miliya. Mɔgɛnu bi fan min bɛɛsi kɔla, wonu si anu madu Mari kɔrɔ.

Aiseya 37:19

ka anuna bɛsɛnu mintan, ado ma ya a lɔn ko Alla ma wonu na. Kɔlɔma anubɛ kuru-lɛsɛnɛ le wonu na dɔrɔn. Anu nadannɛ hadama-dan bolo la.

Aiseya 42:17

Kɔnɔ a ko minnu bi lala bɛsɛnu na, minnu bi a fɔla ko anuta alla le anu na, wonu si yarabiyi sɔrɔn ka miliya pɔ!

Aiseya 44:10

Ka nɛgɛ ma kɔli-fan la, wo tɔnɔ sa a la.

Aiseya 44:20

Hɛnkilimaya-sufa kɛ mani de iko mɔgɛ tenbi ta-gbangban muganna. Ala kun-takolon-miriya wo mani de iko mɔgɛ tenbi donna gbofɛ la. Dɛnbɛni-wo-dɛnbɛni sa a bolo tun. A ti ke a fɔla ko bɛsɛ min bi a bolo kɛ la, Alla ma.

Aiseya 44:9

Mɔgɔ-fuyi le bɛsi-ladannɛnu na. Hali bɛsɛ di mɔgɛnu ye, fufafuyi le bɛsɛ wonu na. Minnu bi bɛsɛ wonu kɔla, fiyɔn anubɛ kun-takolɔn le wonu na. Anuna kun-takolonyɛ si a laban anu bolo yarabiyi ma.

Daniyɛli 3:5

A sa mɛla tun, wo si buru-kan lamɔɛn. Wo kɔma, tolonnɛnu si a kɛ-a-rɔ. A fulu-fɛla wo, a bɔlon-fɔla wo, a sɔrɔn-fɔla wo, a bala-fɔla wo, anubɛ a fɔli-fen-toenu, wonu damasi si a kɛ-a-rɔ. Tolonnɛ kɛ bɛɛsi wa a kɛ-a-rɔ tumɛ min, wo damasi si wo madu mansɛta bɛsɛ kɛ kɔrɔ ka a matɔgɔ.

Daniyɛli 5:23

Ile wo, ila mɔgɔ-banu wo, ila bara-musinu wo, ila fɛ-sigi-musinu wo, wo ara gbɛɛ min Allata mirannu tɔ minnu bɔra a Bato-Bɔn la. Wo ara a ma, i wara bila Ma Tigi Arinyɛnɛ-Mari la. Wo ye gbɛɛ minyɛ wo kun na, wo ye wola bɛsɛnu kɔla fanan minnu nadannɛ sɛnɛ la, anubɛ wodi-gbɛ, anubɛ silɛɛ. Donu nadannɛ nɛgɛ la, anubɛ kɔlɔma, anubɛ kuri. Nba wo ye bɛsɛ minnu kɔla, wonu ya sa, anu tolo sa, anu hɛnkili mumɛ sa. Kɔnɔ wo niyi ye Allatala min bolo, wo sa wo gbiliyala.

Hoseya 8:6

Isirɛla boloma-wɔli-kɛlɛ do le ya turɛ wo ladan dɔrɔn. Nde, Alla ma wo la. Tura-danla muninyɛ wo ra si mɔsɔkɔn-mɔsɔkɔn.

Kɛwɔlɛnu 19:26

Pɔli kɛ ye min mala kɛ la, a ye mɔgɛnu tɔrɔla Ɛfɛsa soe burɔ yan nya min, wo ya wo yen. A tora doni, a ni ke Esiya nyamanɛ bɛɛ rɔ. A ye a fɔla ko male ye bɛsɛ minnu nadanna, Alla ma wonu na mumɛ!

Kɛwɔlɛnu 19:35

Tɔ-a-la, mɔgɔ-ba do ya nyama lakala. A ko, “N ta-nyɔgɛ Ɛfɛsa kɛnu! Bɛɛ ya a lɔn ko Ɛfɛsa kɛnuna soe le Atɛmisi-bala kɔ-tina-kandannɛ la. Bɛɛ ya a lɔn ko kuri min buira ka bɔ san ma, ma ye wo le kɔla.

Tɔn-Fɔɛ-Fila-Nyɔgɛ 4:28

Mɔgɔ-gbɛrɛkɛnu bara bɛsɛ minnu nadan anu nyɛrɛ bole la, wo si wonu kɔ. Bɛsɛ wonu ti ke fen yenna, anu ti ke fan sumɛ birala, anu ti ke fen dɔnna, anu ti ke ko lamɔɛnna bawo kɔlɔma anubɛ kuri le wonu na mɔgɛnu ya minnu nadan anu bole la.