Yaburi 114:8 - ALLALA KUMƐ

⁸ Mari kɛ le ye farɛ yɛlɛmana yi-denkɛ la ka fara-gbaran yɛlɛma tenke la.

Yaburi 114:8 ပူးပေါင်းရင်းမြစ်များ

Nihɛmaya 9:15

“Kɔnkɛ ya anu bira wati min, i ya biredi layigi anu ma ka bɔ san-kole rɔ. Anu kan lagbalata wati min, i ya yi labɔ anu ye farɛ rɔ. I ya anu yili-madiya nyamanɛ minna ko la, i ya a fɔ anu ye ko anu ni nyɔ bi.

Yaburi 105:41

A ya farɛ dɛ laka, yi bɔra anu ye. Yi wo tugura a rɔ ka yigi wula-da-rakolɔn rɔ iko bɛ.

Yaburi 107:35

Wo kɔma, a ya kɛnkɛn-dugi yɛlɛman yi-kundi-dan-natɛgɛnɛnu na. A ya dugu-gbalanɛ yɛlɛman tenke gbansannu na.

Bɔ-Koe-Iyipiti 17:6

N si sɔ i yarɔ farɛ kuma Sinayi kɔnkɛ kɔrɔ. I wa farɛ wo gbesi tumɛ min, yi si tugu a rɔ alako mɔgɛnu ni anu min.” Musa ya a ma wo nya Isirɛla mɔgɔ-banu yala. (Mɔgɛ bɛɛsi nara wo kɔma ka anu min.)

Yilan-Yilan Koe 20:11

A banta kumɛ kɛ fɔla tumɛ min, a ya Arunala sewuri wo layɛlɛ a kun tɛma ka farɛ wo gbesi wo la iko fila dɛgɛdɛgɛ! Kaka wo rɔ, yi tugura a rɔ. Mɔgɛ min bɛɛ ye nyɔ, anubɛ anuna kolo-fannu, wonu damasi ya anu min yi wo la ka wasa.

1 Kɔrɛnti 10:4

Anu dama ya yi kelan min, Alla ya min nabɔ farɛ rɔ, ado Kirasiti nyɛrɛ le farɛ wo la min bilara anu fɛ.

Tɔn-Fɔɛ-Fila-Nyɔgɛ 8:15

A sɔra wo yarɔ wula-da-rakolɔn rɔ min makilannɛ, duguma-fen-yogomɛnu anubɛ bondalɛnu bi kan min. Wo tumɛ wo ye tagamana wulɛ wo rɔ yi sa kan min, Mari ya yi labɔ farɛ rɔ nyɔ wo ye.