Yaburi 113:5 - ALLALA KUMƐ

⁵ Mɔgɔ-wo-mɔgɔ sa iko mata Mari Alla! A mayiginɛ ma dama kuma pon!

Yaburi 113:5 ပူးပေါင်းရင်းမြစ်များ

Yaburi 103:19

Mari ya ata mansaya-waganɛ sigi san-kole rɔ. Ale le mansayɛ la fan bɛɛ kun na.

Yaburi 11:4

Mari ye mansayɛ la ata Bato-Bon-sɛnimɛ la. A kolan ye mɔgɛ bɛɛ la. Anu bi min bɛɛ kun na, a ya wo bɛɛ lɔn.

Yaburi 35:10

N si a fɔ Mari ye n sɛbɛ-kuna-wɛ la ko, “Ile Mari nyɔgɔn sa! Sɛnbɛ sa minnu na, i ni wonu nakisi sɛnbɛ-tiginu masibɛ ma. I si bolo-kolɔnnu tanka kensuntenu ma.”

Yaburi 89:6

Mari, i rakɛn fenfen sa Arinyɛni tɔ. I nyɔgɔn-takɛn sa nyɔ nima-fannu tɔ.

Yaburi 89:7

Arinyɛnɛ kun-tiginu-nadɛnnɛ si kawa i ma. Anu dama si anu bole sa anu dɛ la.

Yaburi 89:8

E, Mari Alla Sɛnbɛ-Bɛɛ-Tigi, sɛnbɛ ye yon bolo iko ile? Ile Mari si koe bɛɛ ladan lanayɛ rɔ.

Yaburi 89:9

Ila sɛnbɛ ye kɔgɔ-yi kuma. A ye tugu min kɛla-a-rɔ a yisi ma, i si wo rade don!

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Aiseya 16:5

Wo wati rɔ, Dawuda bɔnsɔn-mɔgɛ do si ma mansɛ la. A si ala mɔgɛnu mara keninteyɛ anubɛ lanayɛ la. A la si tiriya ko-latelennɛ ladanna. A si mɔgɛnu sɔ telenbagayɛ kilɛ rɔ.

Aiseya 40:18

Mɔgɛ si Alla sanka yon ma? Mɔgɛ si ke Alla faranfasɛ lɔnna kama?

Aiseya 40:25

Mɔgɛ si Alla-sɛnimɛ sanka fan mintan ma? A nyɔgɔn ye nyɔ?

Aiseya 57:15

Alla-gbiliyanɛ min bi san ma pon, min sɛnima, ado a ye nyɔ habadan, wo ko ale mayiginɛ kan-tina-sɛnimɛ le tɔ san ma pon! A ko hali wo, mɔgɔ-famayiginɛ minnu bara nimisa, a si taran wonu tɛma. A ko minnu famayiginɛ, a si ni kurɛ di wonu ma. Minnu nimisanɛ, a si wonu niyi kurakuraya.

Yɛrɛmaya 10:6

Mari, i nyɔgɔn sa. I makawara. I tɔgɛ mankan kolo.

Tɔn-Fɔɛ-Fila-Nyɔgɛ 33:26

“Alla dogbɛrɛ sa nyɔ min manɛ iko male Isirɛla mɔgɛnuta Alla, ale min bi tagamana san-kole rɔ, kɔni. Ale le ye bɔla banda-finyɛ rɔ ka wo dɛnbɛ.