Yaburi 111:6 - ALLALA KUMƐ

⁶ A ya sibolo-gbɛrɛnuna nyamanɛnu di ata mɔgɛnu ma nya min, wo ara ata fanka yira anu na.

Yaburi 111:6 ပူးပေါင်းရင်းမြစ်များ

Yaburi 103:7

Mari ya a miriyanu yira Nɛbi Musa la. A ya a ma, Isirɛla mɔgɛnu ya ata kabana-koenu tayen.

Yaburi 145:12

alako bɛɛ ni ila wɔli-makawanɛ nya-yen. Bɛɛ ni ila mansaya-gbiliyɛ lɔn.

Yaburi 2:8

A ko hali n ya a manyinika le dɔrɔn, a si sibole bɛɛsi latenbi n ma. A ko duninya mumɛ si ma ntɛ la.

Yaburi 44:2

I ya Alla-lɔnbɛlɛnu gben anu yarɔ nya min, anu bara wonu fɔ ma ye. I ya nyamanɛ wo ma ila mɔgɛnu halalɛ la. I ya sibolo-gbɛrɛ doinu fanan tɔrɔ nya min, anu ya wo fanan fɔ ma ye. I ya a ma, ita mɔgɛnu sabatira.

Yaburi 44:3

Kɛlɛ ma a ma, ita mɔgɛnu ya nyamanɛ wo sɔrɔn. Anu ma a sɔrɔn anuta sɛnbɛ dɔrɔn na. Ita sɛnbɛ anubɛ ita fanka, wo le ya a ma, anu ya a sɔrɔn. Anu ya a lɔn min kɛ ko ile ye anu fɛ, wo le ya a yira anu na ko anu di i ye.

Yaburi 44:4

Nta mansɛ anubɛ nta Alla le ile la. Ile le ye a mala, ita mɔgɛnu bi nɔ-ko sɔrɔnna.

Yaburi 80:8

I nara nɔnbɛ do la ka bɔ Iyipiti nyamanɛ rɔ. I ya sibolo-gbɛrɛnu gben ka nɔnbɛ wo ki wonuna nyamanɛ rɔ.

Yasowa 6:20

Saraka-masɔlɛnu ya burinu fɛ. Isirɛla mɔgɛnu ya wo lamɔɛn tumɛ min, anu gbele-gbelenta wɛ kɛ. Tarɛ buira fugbu!