Yaburi 111:4 - ALLALA KUMƐ

⁴ Mari ara kabana-koe minnu kɛ, a ti sɔn ma ni nyina wonu ko. A nyimayanɛ, ado a kinikinite.

Yaburi 111:4 ပူးပေါင်းရင်းမြစ်များ

2 Ko-Kɔrɔta-Karan 30:9

Ni wo sɛgira Mari ma, kɛlɛ tara wo na-kelen-nyɔgɛ minnu na, anu si kinikini anu ma ka anu nasɛgi wo ma. Mari Alla fanɛ ko-nyimɛ anubɛ kinikinɛ la. Ni wo nara a ma, a si sɔn wo la ka wo bira tun.”

Yaburi 103:8

Ala kinikinɛ anubɛ keninteyɛ da rakolo. A ti diminya yona, ado dan sa ata keninteyɛ la.

Yaburi 112:4

Waan ra si ka pinpi-fin-bɛ rɔ mɔgɔ-nyimɛ ye. Wo ra si ka mɔgɔ-hinante anubɛ telennɛ fanan ye.

Yaburi 145:8

Mari fanɛ keninteyɛ anubɛ kinikinɛ la. A ti diminya tiriya, ado dan sa ala keninteyɛ la.

Yaburi 78:38

Kɔnɔ hali wo, Alla kinikinita ala mɔgɛnu ma. A ya anu hakɛ makoto. A ma anu nato. A mɛra a fonde birala a rɔ. A tora a munyuna anu kɔrɔ.

Yaburi 86:15

Kɔnɔ ile n tigi, ila keninteyɛ kolo, ado i kinikinite. I munyara, i nyimayanɛ, ado i lanaya-tigi.

Yaburi 86:5

E, n tigi, i nyimayanɛ ma ye, ado i ye ma makotola. Minnu bi i madiyala, ila hinɛ ye wonuna ko la.

Aiseya 63:7

A di n ye, n ni Marita keninteya-dan-natɛgɛbɛlɛ wara-koe fɔ. N si a tanto ka a tɛgɛ a ara min bɛɛ kɛ ma ye. A ara fen-nyima-siyaman di ma ma. A ara Isirɛla mɔgɛnu bira a kin na! Mari ara ata kinikinɛ yira ma la. A nyimayanɛ ma ma dɔgɔma-ma-de!

Tɔn-Fɔɛ-Fila-Nyɔgɛ 4:9

“Wo ni a ma wo fɛrɛma de! Wo ara min yen wo nyɛrɛ yɛ la kɛ la, wo kana nyina wo ko wo siyi-tele bɛɛ kɔrɔ. Wo benbanu ya min yen anu sɔra Mari yakɔrɔ Sinayi kɔnkɛ kɔrɔ tumɛ min, wo ni wo rakaran wola dannu anubɛ wo mamanɛnu ye. Mari ya a fɔ nde, Musa ye nun ko n ni Isirɛla mɔgɛnu nadɛn kan-tina-kelen kɔnkɛ wo kɔrɔ nyɔ. Mari ko a sɔgɛ ye a la, anu ni a lamɔɛn a ye nala min fɔla nyɔ woletɔ anu si ale Mari gbiliya anu siyi-tele bɛɛ rɔ. Wo si a ma, anu ni anuna dannu karan alako anu si mata Mari Alla gbiliya nya min.

1 Timoti 1:14

Ma Mari Yisa ya ala hina-waranɛ labɔn n kuma ka dɛnkɛninyɛ anubɛ diyanayɛ di n ma, ado matɛ le wonu na Yisa Kirasiti baraka rɔ.