Yaburi 111:2 - ALLALA KUMƐ

² Mari ara kabana-koe minnu nadan, wonu makawara! Ni kabana-koe wonu diyara minnu ye, anu si to anu mirila wonu ma.

Yaburi 111:2 ပူးပေါင်းရင်းမြစ်များ

Yobu 37:14

Nba Yobu, i wɔlɔ matɔlɔ fɔlɔn, Alla ye kabana-koe minnu mala, i miri wonu ma.

Yobu 37:7

Wo bɛɛ si tɔn sigi hadama-dannuta wɔlɛ la alako mɔgɛ bɛɛ ni Allata ko-ladan-bole yen anu yɛ la.

Yobu 5:9

Male ti Allata ko-makawanɛ-dan lɔn, ado ala kabana-koenu dan sa.

Yobu 9:10

Alla ye kabana-koe min bɛɛsi ladanna, ma ti ke wonu dan lɔnna, ado ala ko-makawanɛnu-dan sa.

Yaburi 104:24

Mari, i wara fen-siyaman dan. Ita hɛnkilimayɛ le ya wo bɛɛ dan. Duninya lafanɛ ila nima-fannu na.

Yaburi 104:34

Alamɛ nna bɛti diyara a ye bawo nna sewɛ bɔnɛ ale le tɔ.

Yaburi 107:43

Hɛnkilimɛnu ni anu hɛnkili to kumɛ kɛ ko ka anu miri Marita keninteya-dannatɛgɛbɛlɛ ma.

Yaburi 118:15

Wo ni wo tole masɔ Marita mɔgɛnuta sewa-kan la nɔlɛ bolo anuna fani-bɔnnu na. Anu bi a fɔla ko, “Mari ara ata sɛnbɛ-makawanɛ mayira!

Yaburi 139:14

N si baraka bira i ye ka a tɛgɛ n nadan-bole ma, ado n nadan-bole makawara. Ila ko-ladan-bole bɛɛ makawara. N ya wo lɔn n yisi bɛɛ la.

Yaburi 143:5

N bi n mirila ko-kɔrɔmɛnu ma. N hɛnkili ye i kɛ-nya-kɔrɛnu ma fɔlɔn. N yili tonɛ ila ko-ladan-bolenu ko.

Hɛnkilimaya-Kumɛnu 17:16

Hali yuwɛ ya karan san, a ti ko nyinya a ma bawo yi sa a kunyɛ rɔ.

Hɛnkilimaya-Kumɛnu 24:14

hɛnkilimayɛ fanan kin mɔgɔ-sɔndɔmɛ rɔ wo nya na le. To hɛnkili nyinina woletɔ i wara-koe si to tala yarɔ.

Makawandili Kumɛnu 3:11

A ara koe bɛɛ wati latɛgɛ a kilɛ fɛ. Alla ara habadan-ko-lɔn-koe sigi hadama-dan yisi rɔ kɔnɔ hali wo, ka a bi duninya dabirɛ ma ha duninyala ban, mɔgɔ ti ban Alla wara-koe lɔnna dɛnkɛninyɛ kɔma.

Aiseya 40:12

Mɔgɛ si ke kɔgɔ-yi sumanna a bole tɔ? Mɔgɛ si ke san-kole sumanna a nunkan la? Mɔgɛ si ke duninya-bɔnkɛ kɛla kalamɛ rɔ? Mɔgɛ si ke fan do bila ka kɔnkɛnuna gbiliyɛ-yatɛ lɔn?

Daniyɛli 4:3

Alla ara kabana-koe minnu yira ma la, wonu kolo dɔgɔma-ma-de! Alla ye kabana-koe minnu nadanna, wonu makilanta. Habadan-mansɛ le ale la. Ale si to kun-tigiyɛ la tolon!

Romu 1:28

A ma di anu ye, anu ni Alla lɔn a kilɛ fɛ min kɛ, woletɔ Alla ya anu to anuna kisimiriya-koe wonu tɔ, ado wo le ya a ma, anu ya ko-su wonu ma minnu ma bɛn mɔgɛnu tɛma mumɛ!

Romu 8:6

Ka i niyi sa hadama-dan diyana-koenu kuma, wo si a laban sayɛ ma. Ka i niyi sa Allata Ni-Sɛnimɛ diyana-koenu kuma, wo si a laban nimayɛ anubɛ yisi-kimɛ ma.

Ɛfɛsa 1:19

Wo ni ata sɛnbɛ-waranɛ lɔn min bi wɔlila male dɛnkɛninya-mɔgɛnu tɔ. Sɛnbɛ wo min bi male rɔ,

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.