Yaburi 110:4 - ALLALA KUMƐ

⁴ Mari nyɛrɛ ya lanyiri kiri, ado a ti wo tinya muk! A ko ale mansɛ si ma saraka-masɔlɛ la habadan iko Mɛlikisidaki.

Yaburi 110:4 ပူးပေါင်းရင်းမြစ်များ

Ko-Dabirɛnu 14:18

Selam so-tigi Mɛlikisidaki nara biredi anubɛ nɔnbɔ-gbɔ-yi la Burama ye. Alla Min Bi Fan Bɛɛ Kun Na, wola saraka-masɔlɛ do le Mɛlikisidaki kɛ la.

Yaburi 132:11

Ile Mari ya lanyiri-gbɛlɛmɛ min kiri mansɛ ye nun, i ti wo dafabɛlɛ to tun. I ko i si ala dan do ma mansɛ la, min si to a gbɛ rɔ.

Sakaraya 6:13

A ko wo le ye Bato-Bɔn sɔla, ado bolɔn wo fanan si gbiliyɛ sɔrɔn iko mansɛ ye a sɔrɔnna nya min ka mansayɛ kɛ ala mɔgɛnu kun na. Ale mansɛ si ma saraka-masɔlɛ la ka sigi mansaya-waganɛ rɔ. Yisi-kimɛ si taran sɔ-tina filɛ kɛnu tɔ.

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Hiburunu 5:6

A sɛbɛnɛ kan-tina-gbɛrɛ rɔ fanan ko, “I si saraka-masɔ-wɔlɛ kɛ tolon, iko Mɛlikisidaki ya a ma nya min.”

Hiburunu 6:20

Yisa ara ta ma yarɔ nyɔ malela ko la. A ara ma saraka-masɔla-kun-tigi-wɛ la habadan iko Mɛlikisidaki.

Hiburunu 7:11

Nɛbi Musata tɔnnu anubɛ Lifayi bɔnsɔnta saraka-masɔlayɛ ye wɔlila anu nyɔgɔn fɛ. Nba, Lifayi bɔnsɔn saraka-masɔlɛnu, ni wonuna tɔnnu si ke mɔgɛnu natelenna le nun, ma mako ti taran saraka-masɔla-gbɛrɛ la nun. Kɔnɔ ma mako ye saraka-masɔla-gbɛrɛ la, Mɛlikisidaki su, kɔni, Aruna su ma de,

Hiburunu 7:17

A sɛbɛnɛ Allala kitabu rɔ ko, “Ile si ma saraka-masɔlɛ la tolon iko Mɛlikisidaki.”

Hiburunu 7:28

Alla ya tɔn min di Nɛbi Musa ma, wo ya mɔgɛnu yatɔnbɔn alako anu ni ma saraka-masɔla-kun-tigi-wɛnu na hali anu ma telen wo nya. Kɔnɔ Allata kelili sanɛ lanyiri min kuma, wo nara Nɛbi Musala tɔn kɔma le. Wo ye ata dan le yabɔla min si Allata ko-latɛgɛnɛ kanbali habadan!

Lankɛnimayɛ 1:6

A ya ma ma saraka-masɔlɛnu na alako ma ni ma sibolo kelen na ka wɔlɛ kɛ a Fa Alla ye. Alamɛ gbiliyɛ anubɛ sɛnbɛ dira Yisa, Allata-Mɔgɔ-Yabɔnɛ ma habadan! Amina.