Yaburi 110:2 - ALLALA KUMƐ

² Mari si a ma, ata mansayɛ ni to sɛnbɛ sɔrɔnna hali Yerusalɛm soe kɔma. A ko ale mansɛ ni a yogenu mara.

Yaburi 110:2 ပူးပေါင်းရင်းမြစ်များ

Yaburi 72:8

Ala mansayɛ si a bi kɔgɔ-yi-tonke doi ma ha ka ta ke kɔgɔ-yi-tonke doi la. A si a bi Yufereti bɛ ma ha ka ta ke duninya-dan ma.

Bɔ-Koe-Iyipiti 7:19

Mari ya a fɔ Musa ye tun ko, “A fɔ Aruna ye ko a ni ala sewuri wo bi ka a rasagan Iyipiti yinu kuma, anuta bɛnu wo, yi-bolɔnnu wo, anuta dalɛnu wo, anubɛ yi minnu bi yi-dagɛnu tɔ, wonu si ma yele la. Yi siginɛ kan-bo-kan, hali a taranta yi-dagɛ le tɔ, wo bɛɛ si yɛlɛma yele la.”

Bɔ-Koe-Iyipiti 8:5

Mari ya a fɔ Musa ye ko, “A fɔ Aruna ye ko a ni ala sewuri rasagan bɛnu kuma anubɛ yi-bolɔnnu anubɛ dalɛnu ka turukɔɔkɔnu nana Iyipiti nyamanɛ kuma.”

Aiseya 2:3

Anu si na a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni. Ma si tagama nya min, Mari si wo yira ma la iko a ye nyinina a ma nya min. Marita karan si bɔ Yerusalɛm. A si kuma ata mɔgɛnu ye nyɔ le.’

Yɛrɛmaya 48:17

Wole min siginɛ nyamanɛ wo dafɛ, wo di nyamanɛ wola ko la katarala wole ma minnu ya a mankan lɔn fɔlɔ nun. Wo ni a fɔ ko, “A sɛnbɛ-makawanɛ ra ara kerikeri. A fanka anubɛ ala gbiliyɛ sa nyɔ tun.”

Isikiyɛli 19:14

Tɛ birara a kuri la ha wo ya a bolɔn anubɛ a gbɔɛnu mintan. A bolon fenfen ma to tun min si ma mansaya-kɔn la. Kinikini-sigi le kɛ la, anu si min sa sayɛ kuma diyi-kɛ la anu bolo.

Isikiyɛli 47:1

Ko-rayirɛ wo rɔ, kei wo sɛgira n na Bato-Bɔn don-dɛ la. Yi ye bɔla don-dɛ kɔrɔ ka yigi tele-bɔɛ wara la, Bato-Bɔn yɛ lamununnɛ kan min, kɔni. Yi wo kunyɛ ye Bato-Bɔn dugula wara la le. A ye tenbila saraka-mintan-tinɛ dugu la wara la.

Maika 4:2

Anu si a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni.’ Anu si a fɔ fanan ko, ‘Ma si tagama nya min, Mari si wo yira ma la iko a ye nyinina a ma nya min.’ Anu si a fɔ tun ko, ‘Marita karan si bɔ Yerusalɛm, a si ata mɔgɛnu karan kan min.’

Maika 7:14

I yandi Mari, i ni ma ila mɔgɔ-yabɔnɛ kɛnu ye iko saga-fɛ-biralɛ. Ma ye dugi min tɔ kaka, dugu-hakika ma wo la. I yandi Mari, a ma, ma ni ta ma sigi Basan nyamani-hakikɛ rɔ anubɛ Kaliyadi nyamanɛ iko ma benbanu ya a ma nya min wati-tenbinɛ.

Romu 1:16

N lanɛ kibara-nyimɛ la gben! Allala sɛnbɛ le wo la alako mɔgɛ bɛɛ si na kisi nya min, a fɔlɔtɛ le Yahudiyanu na, wo kɔma sibolo-gbɛrɛnu fanan, min bɛɛ lanɛ Yisa la, kɔni.

1 Tɛsalonaika 2:13

Ma ye baraka birala Alla ye tumɛ bɛɛ ko ma nara Allala kumɛ la wo ye tumɛ min, wo ya a lamɔɛn ka a bira a kilɛ fɛ. Wo ma a bira iko a bɔra mɔgɛ le bolo. Wo ya a bira iko Allata kumɛ, ado Allala kumɛ ye wɔlila wole dɛnkɛninya-mɔgɛnu burɔ hali kaka.

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.